- ભાજપમાંથી કિરેન રિજિજુ ્ને તાપીર ગાઓ અરુણાચલમાં લોકસભા ચૂંટણી લડશે
- ભાજપમાં જોડાયેલા કોંગ્રેસના ત્રણ ધારાસભ્યોને પણ ઉમેદવાર બનાવવામાં આવ્યાં
- બીજેપીએ 4 મહિલા ઉમેદવારોનો પણ સમાવેશ કર્યો, એક રાજકીય પર્દાપર્ણ કરશે
ભાજપે અરુણાચલની તમામ 60 વિધાનસભા બેઠકો માટે ઉમેદવારોની જાહેરાત કરી દીધી છે. તે પ્રકાશમાં આવ્યું છે કે, બુધવારે અરુણાચલ પ્રદેશની તમામ 60 વિધાનસભા બેઠકો માટે ઉમેદવારોની જાહેરાત કરતી વખતે, ભાજપે ત્રણ મંત્રીઓને હટાવ્યા છે અને તેની સાથે 16 નવા ચહેરાઓને પણ મેદાનમાં ઉતાર્યા છે. તાજેતરમાં ભાજપમાં જોડાયેલા કોંગ્રેસના ત્રણ ધારાસભ્યોના નામ પણ ભાજપની ઉમેદવાર યાદીમાં સામેલ છે. પાર્ટીએ યાદીમાં ચાર મહિલા ઉમેદવારોનો પણ સમાવેશ કર્યો છે, જેમાંથી એક માટે આ ચૂંટણી રાજકીય પદાર્પણ હશે.
ભાજપે કિરેન રિજિજુને અરુણાચલ પશ્ચિમમાંથી લોકસભા ઉમેદવાર બનાવ્યાં
પાર્ટીએ ગૃહમંત્રી બમંગ ફેલિક્સ (ન્યાપિન સીટ), ઉદ્યોગ મંત્રી તુમકે બગરા (આલો પશ્ચિમ) અને કૃષિ મંત્રી તાગે તાકી (ઝીરો-હાપોલી)ને ટિકિટ આપવાનો ઇનકાર કર્યો હતો. ભાજપે ગયા અઠવાડિયે જાહેરાત કરી હતી કે કેન્દ્રીય પ્રધાનો કિરેન રિજિજુ અને તાપીર ગાઓ અરુણાચલ પશ્ચિમ અને અરુણાચલ પૂર્વ બેઠકો પરથી લોકસભા ચૂંટણી લડશે. પૂર્વોત્તર રાજ્યમાં લોકસભા અને વિધાનસભાની ચૂંટણી એક સાથે યોજાશે. ભાજપના વર્તમાન ધારાસભ્યો લાયસમ સિમાઈ (નામ્પોંગ), કેન્ટો રીના (નારી-કોયુ), ત્સેરિંગ તાશી (તવાંગ) અને લોકમ તસર (કોલોરિયાંગ)ને પણ ટિકિટ મળી નથી.
ભાજપે 4 મહિલા ઉમેદવારોને સ્થાન આપ્યું
પાર્ટીએ મહિલા ધારાસભ્યો ગામ તૈંગ (દામ્બુક) અને જુમામ આતે દેવરી (લેકાંગ)ને પણ હટાવ્યા છે. ભાજપ દ્વારા સૂચિબદ્ધ ચાર મહિલા ઉમેદવારોમાંથી, ન્યાબી જીની દીર્ચી (બાસર) નવો ચહેરો છે, જ્યારે અન્ય ત્રણ ઉમેદવારો ત્સેરિંગ લ્હામુ (લુમલા), દસાંગલુ પુલ (હ્યાઉલિયાંગ) અને ચકત અબોહ (ખોંસા પશ્ચિમ) છે. કોંગ્રેસના ત્રણ ધારાસભ્યો કે જેઓ તાજેતરમાં ભગવા છાવણીમાં જોડાયા છે તેમને પણ યાદીમાં સ્થાન મળ્યું છે, જેમાં નિનોંગ એરિંગ (પાસીઘાટ પશ્ચિમ), લોમ્બો તયેંગ (મેબો) અને વાંગલિંગ લોઆંગડોંગ (બોરદુરિયા-બોગાપાની)નો સમાવેશ થાય છે.
