- ઈઝરાયેલને ભારતે દવાથી લઈને પ્રાથમિક રીતે જરૂરી વસ્તુની મદદ કરી
- હમાસને કોઈ જ રીતે સમર્થન ન આપવાની વાત સામે આવી
- વિપક્ષે ઈઝરાયેલને લઈને કર્યા ભાજપ પાર્ટી સામે મોટા સવાલ
પોતાના નિવેદનોને કારણે અવારનવાર ચર્ચામાં રહેતા ભાજપના વરિષ્ઠ નેતા અને રાજ્યસભા સાંસદ સુબ્રમણ્યમ સ્વામી ફરી એકવાર ચર્ચામાં છે. વાસ્તવમાં, આ વખતે સુબ્રમણ્યમ સ્વામીએ ઈઝરાયેલ અને હમાસ વચ્ચે ચાલી રહેલા યુદ્ધ પર પોતાની પ્રતિક્રિયા આપી છે. આ પ્રતિક્રિયા એવા સમયે આવી છે. જ્યારે ભારતે પેલેસ્ટાઈનમાં યુદ્ધ પ્રભાવિત સામાન્ય લોકોની મદદ માટે દવાઓ અને અન્ય સામાન મોકલ્યો છે. સુબ્રમણ્યમ સ્વામીએ સોશિયલ મીડિયા પ્લેટફોર્મ પર એક પોસ્ટમાં લખ્યું જો આપણે બાળકો પર અત્યાચાર થયા હોય અને સ્ત્રીઓ પર અત્યાચાર કર્યો હોય, તો શું આપણા માટે ભવિષ્યના યુદ્ધની સ્થિતિમાં કોઈ આપણા માટે ઊભા રહેશે?
રાજકીય આક્ષેપો શરૂ થયા
ઈઝરાયેલ અને હમાસ વચ્ચે ચાલી રહેલા યુદ્ધને લઈને ભારતમાં ઘણી રાજનીતિ ચાલી રહી છે. આ હવે ચૂંટણીનો મુદ્દો બની ગયો છે. જ્યારે કોંગ્રેસ અને અન્ય વિપક્ષી પાર્ટીઓ પેલેસ્ટાઈનના સમર્થનમાં નિર્દોષ લોકોની હત્યાનો વિરોધ કરતા જોવા મળે છે. ભાજપ પાર્ટી સંપૂર્ણપણે ઈઝરાયેલની સાથે ઊભેલી જોવા મળે છે. આ અંગે બંને પક્ષો તરફથી જોરદાર બોલાચાલી ચાલી રહી છે. જોકે, યુદ્ધ ભલે ઈઝરાયેલમાં ચાલી રહ્યું હોય પણ રાજકીય આક્ષેપબાજી આપણા દેશમાં શરૂ થઈ ચૂકી છે.
યુદ્ધને કારણે રાજનીતિ ગરમાઈ
હાલમાં જ NCPના વડા શરદ પવારે આ મુદ્દે કહ્યું હતું કે, "આ માત્ર અટલ બિહારી વાજપેયીની વાત નથી. ઈન્દિરા ગાંધીના સમયથી ભારત સરકારની ભૂમિકા પેલેસ્ટાઈનીઓ સાથે રહી છે. પરંતુ આ મામલે નિવેદનો પીએમ મોદી અને વિદેશ મંત્રાલય બંને અલગ છે. હું આનાથી હું વાંધો ઊઠાવું છું." પેલેસ્ટાઈનના સમર્થનમાં શરદ પવારના નિવેદન બાદ ભાજપે પવાર પર નિશાન સાધ્યું અને મહારાષ્ટ્રના ડેપ્યુટી સીએમ ફડણવીસે પવારને તુષ્ટિકરણની રાજનીતિ બંધ કરવા અને આતંકવાદની નિંદા કરવાની અપીલ કરી. તે જ સમયે, આસામના મુખ્યમંત્રી હેમંત બિસ્વા સરમાએ શરદ પવારને તેમની પુત્રી અને સાંસદ સુપ્રિયા સુલેને હમાસમાં મોકલવાની સલાહ આપી હતી.
