વિદેશ મંત્રી એસ જયશંકર આ દિવસોમાં ઓસ્ટ્રેલિયાના પ્રવાસે છે. આ પછી તે સિંગાપોર જશે. જયશંકરે ઓસ્ટ્રેલિયામાં જણાવ્યું હતું કે, LAC પર ભારત અને ચીને સૈનિકોને પીછેહઠ કરવાની દિશામાં 'કેટલીક પ્રગતિ' કરી છે. તેમણે આ ઘટનાક્રમને 'સ્વાગત યોગ્ય' પગલું ગણાવ્યું છે. ઓસ્ટ્રેલિયામાં NRI સાથેની વાતચીત દરમિયાન એક પ્રશ્નનો જવાબ આપતા જયશંકરે કહ્યું કે, અમે ભારત અને ચીનના સંદર્ભમાં થોડી પ્રગતિ કરી છે. તમે જાણો છો કે અમારા સંબંધો ઘણા ખરાબ હતા, જેના કારણો પણ તમે બધા જાણો છો.
LAC પર પીછેહઠ કરવાની દિશામાં થોડી પ્રગતિ કરી
વિદેશ મંત્રીએ કહ્યું કે, અમે (ભારત-ચીન) LAC પર પીછેહઠ કરવાની દિશામાં થોડી પ્રગતિ કરી છે. વાસ્તવિક નિયંત્રણ રેખા (LAC) પર મોટી સંખ્યામાં ચીની સૈનિકો તૈનાત છે, જે 2020 પહેલા ત્યાં નહોતા અને બદલામાં અમે પણ તૈનાત કર્યા છે. આ સમયગાળા દરમિયાન સંબંધોના અન્ય પાસાઓ પણ પ્રભાવિત થયા છે. તેમણે કહ્યું કે, LAC પર બન્ને દેશોની પીછેહઠ પછી આપણે કઈ દિશામાં આગળ વધીએ છીએ તે જોવાનું રહેશે, અમને લાગે છે કે પીછેહઠ આવકારદાયક પગલું છે. આ શક્યતા ખોલે છે કે અન્ય પગલાં પણ લેવામાં આવી શકે છે.
PM મોદી અને શી જિનપિંગએ રશિયામાં મુલાકાત કરી
જયશંકરે જણાવ્યું હતું કે, વડાપ્રધાન નરેન્દ્ર મોદીની ગયા મહિને રશિયામાં ચીનના રાષ્ટ્રપતિ શી જિનપિંગ સાથેની મુલાકાત પછી એવી આશા હતી કે "રાષ્ટ્રીય સુરક્ષા સલાહકાર અને હું બન્ને અમારા સમકક્ષોને મળીશું.
'ભારત વિકાસના માર્ગ પર અગ્રેસર'
વિદેશ મંત્રી જયશંકરે કહ્યું કે, ભારત વિકાસના માર્ગ પર અગ્રેસર છે અને વિશ્વ સાથે આગળ વધવા માંગે છે. ભારતીય સમુદાયને સંબોધતા જયશંકરે કહ્યું કે, ભારતનો વિકાસ થશે, ભારત વિકાસ કરી રહ્યું છે, પરંતુ ભારત વિશ્વની સાથે આગળ વધવા માંગે છે. જ્યારે ભારત વિશ્વ તરફ જુએ છે, ત્યારે તે તકો જુએ છે. અમે આશાવાદી છીએ, સમસ્યાઓ હોઈ શકે છે, પરંતુ એકંદરે અમને લાગે છે કે વિશ્વમાં સદ્ભાવના છે અને ભારત સાથે કામ કરવાની ઈચ્છા છે. અમે વિશ્વમાં ભારતની સફળતા માટે જુસ્સો જોઈએ છીએ. તેમણે કહ્યું કે, શિક્ષણ અને સંશોધન ક્ષેત્રે વૈશ્વિક સહયોગની ઘણી તકો છે.
'વિદેશમાં રહેતા ભારતીયોની છબી ઘણી સારી છે'
વિદેશ મંત્રીએ કહ્યું કે, વિદેશમાં રહેતા ભારતીયોની આજની છબી સારી રીતે શિક્ષિત હોવાની છે, વ્યક્તિગત રીતે જવાબદાર હોવાની છબી છે, કાર્ય કરવાની નૈતિકતા, આપણા જીવનનો પારિવારિક સ્વભાવ, મને લાગે છે કે આ બધું આજે આપણને ખૂબ જ આકર્ષક બનાવે છે. તેણે કહ્યું કે, મને લાગે છે કે તે બ્રાન્ડ વિકસાવવી મહત્વપૂર્ણ છે. એ કૌશલ્યો કેળવવી જોઈએ. હું ભારપૂર્વક કહું છું કે, આ યુગ AIનો યુગ છે. તે ઇલેક્ટ્રિક ગતિશીલતા વિશે છે, તેને વૈશ્વિક કર્મચારીઓની જરૂર પડશે.
