jammu kashmir ત્રાલમાં આતંકવાદી આસિફના ઘર પર બુલડોઝર ફરી વળ્યુ

દક્ષિણ કાશ્મીરના પહેલગામ નજીક બૈસરન મેદાનમાં થયેલા આતંકવાદી હુમલામાં 26 લોકો માર્યા ગયા હતા, જેમાં મોટાભાગના પ્રવાસીઓ હતા. 2019 ના પુલવામા હુમલા પછી, જેમાં 40 CRPF જવાનો શહીદ થયા હતા, આ ખીણમાં થયેલા સૌથી ઘાતક હુમલાઓમાંનો એક છે. પહેલગામ આતંકવાદી હુમલાના પીડિતોના શોકગ્રસ્ત પરિવારો સરકારને આ ક્રૂર કૃત્ય માટે જવાબદાર લોકો સામે નિર્ણાયક પગલાં લેવાની અપીલ કરે છે.

સરકારે વચન આપ્યું છે કે આનો કડક બદલો લેવામાં આવશે અને આમાં સામેલ લોકોનો નાશ કરવામાં આવશે. તે જ સમયે, સરકારે પહેલગામ આતંકવાદી હુમલા અંગે સર્વપક્ષીય બેઠકમાં સુરક્ષામાં ખામી હોવાનું સ્વીકાર્યું છે.

ત્રાલમાં આતંકવાદી આસિફનું ઘર તોડી પડાયુ

પહેલગામ હુમલા પછી, સરકાર એક્શન મોડમાં હોય તેવું લાગે છે. પહેલગામ આતંકવાદી હુમલામાં સંડોવાયેલા માનવામાં આવતા મુંઘામા ત્રાલના આતંકવાદી આસિફ શેખનું ઘર અધિકારીઓએ તોડી પાડ્યું છે. સત્તાવાર વિગતોની રાહ જોવાઈ રહી છે.

દિલ્હીનું ચાંદની ચોક બજાર આજે બંધ

પહેલગામ આતંકવાદી હુમલાના વિરોધમાં આજે દિલ્હીના ચાંદની ચોકના બજારો બંધ છે. વેપારીઓએ 'બંધ'નું એલાન આપ્યું છે.

પહેલગામ હુમલા પછી આકાશમાં ઉડતા લડાકુ વિમાનો

પહેલગામ હુમલા પછી, સાવચેતીના પગલા તરીકે ઉત્તર કાશ્મીર અને પીર પંજાલના ઘણા વિસ્તારો પર લડાકુ વિમાનો ઉડતા જોવા મળ્યા હતા. હાલમાં જમ્મુ અને કાશ્મીરમાં હાઈ એલર્ટ છે.

ભારત અને પાકિસ્તાન વચ્ચે સરહદ પર અથડામણ શરૂ, બંને બાજુથી ગોળીબાર

પહેલગામ આતંકવાદી હુમલા પછી પણ પાકિસ્તાન પોતાની નાપાક પ્રવૃત્તિઓ બંધ કરી રહ્યું નથી. તેણે જમ્મુ અને કાશ્મીરમાં નિયંત્રણ રેખા પર ગોળીબાર કર્યો, ત્યારબાદ અથડામણ શરૂ થઈ. ભારતીય સેનાએ ગોળીબારનો અસરકારક રીતે જવાબ આપ્યો છે.