- કઠુઆ હુમલામાં સામેલ આતંકીઓના સ્કેચ જાહે
- માહિતી આપનારને મળશે 20 લાખનું ઇનામ
- કઠુઆ જિલ્લા પોલીસે હેલ્પ લાઇન નંબર કર્યો જાહેર
8 જુલાઈના રોજ કઠુઆ જિલ્લાના માચેડીના ગાઢ જંગલમાં સેનાની પેટ્રોલિંગ પર આતંકવાદીઓ દ્વારા ઘાતક હુમલો થયો હતો, જેના કારણે સેનાના જુનિયર કમિશન્ડ ઓફિસર (JCO) સહિત પાંચ જવાનો શહીદ થયા હતા. શનિવારે કઠુઆ જિલ્લાના ઊંચાઈવાળા વિસ્તારોમાં જોવા મળેલા ચાર આતંકવાદીઓના સ્કેચ જાહેર કરવામાં આવ્યા છે. પોલીસે જાહેરાત કરી છે કે તેમના વિશે વિશ્વસનીય માહિતી આપનારને 20 લાખ રૂપિયા (પ્રત્યેક 5 લાખ) નું રોકડ ઈનામ આપવામાં આવશે.
પોલીસે એક પોસ્ટ લખી
મળતી માહિતી અનુસાર , દરેક આતંકવાદી માટે 5 લાખ રૂપિયાનું ઈનામ રાખવામાં આવ્યું હતું. જમ્મુ અને કાશ્મીરના કઠુઆ જિલ્લામાં, પોલીસે 04 આતંકવાદીઓના સ્કેચ જાહેર કર્યા હતા, જેઓ છેલ્લી વાર બાની, મલ્હાર અને સીઓજધારના ઢોક્સ વિસ્તારોમાં જોવા મળ્યા હતા. હવે કઠુઆ જિલ્લા પોલીસ આતંકવાદીઓને ઓળખવા અને તેમને શોધવા માટે જનતાની મદદ માંગી રહી છે. દરેક આતંકવાદીની ધરપકડ કે ઓળખ કરવા માટે કોઈપણ કાર્યવાહી કરવા યોગ્ય માહિતી માટે ₹5 લાખનું ઈનામ ઓફર કરવામાં આવે છે. વધુમાં, વિશ્વસનીય માહિતી આપનાર વ્યક્તિઓને પણ યોગ્ય પુરસ્કાર આપવામાં આવશે
માહિતી આપનાર માટે નંબર જાહેર કર્યો
કઠુઆ જિલ્લા પોલીસે સામાન્ય જનતાને આ આતંકવાદીઓના ઠેકાણા વિશે માહિતી આપવા અપીલ કરી છે. બાતમી આપનારની ઓળખ ગુપ્ત રાખવામાં આવશે જેથી કરીને વધુને વધુ લોકો પોલીસને મદદ કરવા આગળ આવે, કારણ કે રાષ્ટ્રીય સુરક્ષા માટે સંભવિત જોખમોને રોકવા માટે જાહેર મદદ મહત્વપૂર્ણ છે. જો તમારી પાસે કોઈ માહિતી હોય, તો કૃપા કરીને નજીકના પોલીસ સ્ટેશનનો સંપર્ક કરો અથવા 100 અથવા 9858034100 પર ડાયલ કરો..
