કર્ણાટકમાં ઇમરાન પ્રતાપગઢીનો અતીકને લઇ જૂનો વીડિયો વાયરલ

• ભાજપે કર્યા આકરા પ્રહાર, અતીકની હત્યા બાદ રાજકારણ પર ચર્ચા જામી છે
  
• ઈમરાન પ્રતાપગઢીના મુશાયરાનો આ વીડિયો જૂનો છે
• જેમાં ઇમરાન અતીકની ભરપેટ પ્રશંસા કરી રહ્યા છે

માફિયા અતીક અહેમદની હત્યા બાદ તેના કારનામા વિશે વિવિધ ચર્ચાઓ થઈ રહી છે. ખાસ કરીને આ સમયે કેટલાક જૂના વીડિયોનો ઘણો ઉલ્લેખ કરવામાં આવી રહ્યો છે અને આ વીડિયો પણ વાયરલ થઈ રહ્યો છે. આ વીડિયોમાં કોંગ્રેસના રાજ્યસભા સાંસદ ઈમરાન પ્રતાપગઢી (Congress MP Imran Pratapgarhi) અતીકના જોરદાર વખાણ કરતા જોવા મળે છે. આ અંગે વિપક્ષે કોંગ્રેસ પર નિશાન સાધ્યું છે. ઈમરાન અતીકના વખાણ કરતા જોઇ શકાય છે. ઈમરાન હાલ કર્ણાટકમાં કોંગ્રેસના સ્ટાર પ્રચારક છે. આ જ કારણ છે કે અતીકની હત્યા બાદ રાજકારણ પર ચર્ચા જામી છે. આ મામલે ભાજપ કોંગ્રેસ આમને સામને છે.

ઈમરાન પ્રતાપગઢીના મુશાયરાનો વીડિયો

આ વીડિયોમાં અતીક અહેમદ હાજર હતો અને જમીન પર બેસીને તેમના વખાણ સાંભળી રહ્યો હતો. ઈમરાન પ્રતાપગઢીના મુશાયરાનો આ વીડિયો જૂનો છે, પરંતુ અતીક ખતમ થતાં જ તેની ફરી ટીકા થઈ રહી છે. જણાવવામાં આવી રહ્યું છે કે આ વીડિયો સાત વર્ષ જૂનો છે. તે સમયે ઈમરાન કોંગ્રેસમાં નહોતા. અતીકની હત્યા પછી હવે બધું બદલાઈ ગયું છે. અતીકને સમર્થન આપનારા તમામ લોકો ફરાર છે. પોલીસ પત્ની શાઇસ્તા પરવીનને શોધી રહી છે. એન્કાઉન્ટરમાં એક પુત્રનું મોત થયું છે. અતીક સાથે તેના ભાઈની પણ હત્યા કરવામાં આવી હતી.

ભાજપે જોરદાર નિશાન સાધ્યું

કોંગ્રેસના વીડિયોમાં અતીકને મોટા ભાઈ અને પિતા તરીકે દર્શાવવામાં આવી રહ્યો છે. વીડિયો સામે આવ્યા બાદ ભાજપે જોરદાર નિશાન સાધ્યું છે.કર્ણાટકના બીજેપી નેતા સીટી રવિએ આ વીડિયોને ટ્વીટ કરીને લખ્યું છે કે ઈમરાન પ્રતાપગઢી, જેઓ અતીક માટે ખૂબ માન ધરાવે છે, તે કર્ણાટકમાં કોંગ્રેસના સ્ટાર પ્રચારક છે.

તેમની દૂઆઓ મને તાકાત આપે છે

વીડિયોમાં ઈમરાન પ્રતાપગઢી લોકોને સંબોધિત કરી રહ્યા છે અને અતીક અહેમદ પણ સ્ટેજ પર બેઠા છે. અતીક તરફ ઈશારો કરતા ઈમરાન કહે છે, 'શું મારે તેને મોટો ભાઈ કહેવો જોઈએ કે પિતા... તે એકદમ પિતાની તુલ્ય છે. શ્રી અતીક અહેમદની પ્રાર્થના હંમેશા મને ઘણું બળ આપતી રહી છે.તેમની દૂઆઓ મને તાકાત આપે છે.

ભાજપે સવાલો ઉઠાવ્યા હતા

આ વીડિયોને ટ્વીટ કરતા બીજેપી નેતા સીટી રવિએ સવાલ ઉઠાવ્યા છે. તેમણે લખ્યું છે કે 'ઈમરાન પ્રતાપગઢી, જે ગેંગસ્ટર અતીક અહેમદ માટે ખૂબ માન ધરાવે છે, તે કર્ણાટક ચૂંટણીમાં કોંગ્રેસના સ્ટાર પ્રચારક છે'. તેમણે આગળ લખ્યું, 'કોંગ્રેસે હંમેશા ગુંડાઓ અને ગુનેગારોને સત્તા અપાવવા માટે સમર્થન આપ્યું છે.'