Loksabha Election 2024: વધુ એકવાર અખિલેશની રેલીમાં નાસભાગ,પોલીસે કર્યા લાઠીચાર્જ

• આજમગઢમાં અખિલેશની રેલીમાં ભાગદોડ
  
• ભીડ બેકાબૂ થતા પોલીસે ઉગામી લાઠી
• મંડપ પર ચઢી ગયા લોકો

લોકસભાની ચૂંટણીને લઇને રાજકીય પ્રચાર જોરશોરથી કરવામાં આવી રહ્યો છે. ઠેર ઠેર જાહેર સભાઓ સંબોધવામાં આવી રહી છે. ત્યારે અખિલેશ યાદવની જનસભામાં વધુ એકવાર હોબાળો થયો હોવાનું સામે આવ્યું છે.

આજમગઢમાં ચૂંટણી પ્રચાર દરમિયાન હોબાળો

યુપીમાં સપા પ્રમુખ અખિલેશ યાદવની રેલીમાં મોટી સંખ્યામાં લોકો ઉમટી રહ્યા છે. આ કારણોસર તેમની રેલીમાં ભાગદોડની સ્થિતિ જોવા મળે છે. આ પહેલા ફુલપુર ત્યારબાદ સંતકબીરનગરમાં આવી સ્થિતિ સર્જાઇ હતી. ત્યારે હવે આજે આજમગઢમાં ચૂંટણી પ્રચાર દરમિયાન અખિલેશની રેલીમાં ભીડ બેકાબૂ બની ગઇ. જેને કારણે અવ્યવસ્થા સર્જાઇ હતી. સ્થિતિ એટલી તંગ બની હતી કે પોલીસે લાઠીચાર્જ કરવાની ફરજ પડી હતી.

રેલીમાં નાસભાગ જોવા મળી

લાલગંજ લોકસભા ક્ષેત્રમાં અખિલેશની રેલી દરમિયાન ફરી એકવાર નાસભાગ જેવી સ્થિતિ સર્જાઈ હતી. તેનો વીડિયો પણ સામે આવ્યો છે, જેમાં જોઈ શકાય છે કે જ્યારે તેઓ સ્ટેજ તરફ ગયા તો સપાના કાર્યકરોને પાછળ ધકેલી દેવામાં આવ્યા અને કાર્યકરો એકબીજા પર ચઢીને ભાગતા જોવા મળ્યા. આ દરમિયાન જે સ્ટેન્ડ પર લાઉડ સ્પીકર લગાવવામાં આવ્યા હતા તે પણ પડી ગયા હતા.