લોકસભાની ચૂંટણીને લઇને 543 બેઠકો પર મતદાન
શરૂઆતી ટ્રેન્ડમાં દેખાયો પીએમ મોદીનો જલ્વો
બીજેપી મહિલા ઉમેદવારો પણ ચૂંટણી મેદાનમાં આગળ

લોકસભા ચૂંટણી 2024ના ટ્રેન્ડ ઉભરાવા લાગ્યા છે. એનડીએ વલણોમાં આગેવાની લીધી છે. સાથે જ વિપક્ષી ગઠબંધન પણ સ્પર્ધા આપી રહ્યું છે. આ ચૂંટણી ઘણી રીતે ઐતિહાસિક છે અને જો NDA જીતશે તો PM મોદી પંડિત નેહરુ પછી સતત ત્રીજી વખત PM બનનાર બીજા નેતા બનશે.

યુપીમાં કોણ આગળ?

યુપીમાં મોટી ઉથલપાથલ થઈ છે. અહીં સપાએ ભાજપને પાછળ છોડ્યુ છે. ચૂંટણી પંચના ડેટા અનુસાર, સવારે 9.30 વાગ્યા સુધીમાં, સપા ઉત્તર પ્રદેશમાં 33 બેઠકો પર આગળ છે. જ્યારે ભાજપ 28 બેઠકો પર આગળ છે. કોંગ્રેસ 7 સીટો પર આગળ છે. જ્યારે આરએલડી એક સીટ પર આગળ ચાલી રહી છે. યુપીના શરૂઆતી વલણોમાં ભાજપને મોટું નુકસાન જોવા મળી રહ્યુ છે. અયોધ્યા, મેરઠ, ઉન્નાવ અને કૈસરગંજમાં સપા આગળ છે.