- EDએ પૂર્વ ધારાસભ્ય રીટા તિવારી અને અજીત કુમાર પાંડેની સંપતિ જપ્ત કરી
- સ્થાવર મિલકતોમાં કોમર્શિયલ સ્પેસ, રહેણાંક મકાનો અને ખેતીની જમીન રુપે
- 7 બેંકોમાંથી રૂ. 1,129.44 કરોડની છેતરપિંડી કરીને ક્રેડિટ ફેસિલિટી મેળવી હતી
એન્ફોર્સમેન્ટ ડિરેક્ટોરેટ (ED) ની લખનૌ ઝોનલ ઓફિસે પ્રિવેન્શન ઓફ મની લોન્ડરિંગ એક્ટ (PMLA), 2002ની જોગવાઈઓ હેઠળ ગંગોત્રી એન્ટરપ્રાઇઝ લિમિટેડના પ્રમોટર્સ, ડિરેક્ટર્સ અને બાંયધરી આપનારાઓની રૂ. 30.86 કરોડની કિંમતની 12 સ્થાવર મિલકતો અસ્થાયી રૂપે જપ્ત કરી છે. EDએ વિનય શંકર તિવારી, પૂર્વ ધારાસભ્ય રીટા તિવારી અને અજીત કુમાર પાંડેની સંપત્તિ જપ્ત કરી છે.
કોમર્શિયલ સ્પેસ, રહેણાંક મકાનો, ખેતીની જમીનના રૂપમાં મિલકતો જપ્ત કરાઈ
EDએ વિનય શંકર તિવારી, પૂર્વ ધારાસભ્ય રીટા તિવારી અને અજીત કુમાર પાંડેની સંપત્તિ જપ્ત કરી છે. EDના એક વરિષ્ઠ અધિકારીએ કહ્યું, 'જે સ્થાવર મિલકતો જપ્ત કરવામાં આવી છે તે કોમર્શિયલ સ્પેસ, રહેણાંક મકાનો અને ખેતીની જમીનના રૂપમાં છે. EDના એક વરિષ્ઠ અધિકારીએ જણાવ્યું હતું કે, 'જે સ્થાવર મિલકતો અટેચ કરવામાં આવી છે તે કોમર્શિયલ સ્પેસ, રહેણાંક મકાનો અને ખેતીની જમીનના રૂપમાં છે, જે લખનૌ, નોઈડા અને ગોરખપુર સહિત ઉત્તર પ્રદેશના અનેક શહેરોમાં ફેલાયેલી છે.
ગંગોત્રી એન્ટરપ્રાઈઝના પ્રમોટર્સ, ડિરેક્ટર્સ, બાંયધરી આપનારાઓ સામે FIR નોંધાઈ
તેમણે કહ્યું, 'જે પ્રોપર્ટી અટેચ કરવામાં આવી છે તે ગંગોત્રી એન્ટરપ્રાઈઝ, રોયલ એમ્પાયર માર્કેટિંગ પ્રાઈવેટ લિમિટેડ, કંદર્પ કન્સ્ટ્રક્શન પ્રાઈવેટ લિમિટેડ અને કેસની મુખ્ય આરોપી રીટા તિવારીના નામે નોંધાયેલી છે. નાણાકીય તપાસ એજન્સીએ ગંગોત્રી એન્ટરપ્રાઈઝ, તેના પ્રમોટર્સ, ડિરેક્ટર્સ અને બાંયધરી આપનારાઓ સામે સેન્ટ્રલ બ્યુરો ઑફ ઈન્વેસ્ટિગેશન (સીબીઆઈ) દ્વારા નોંધાયેલી એફઆઈઆરના આધારે તપાસ શરૂ કરી હતી.
EDની તપાસમાં આ વાત સામે આવી છે
EDની તપાસમાં ખુલાસો થયો છે કે ગંગોત્રી એન્ટરપ્રાઇઝે તેના પ્રમોટર્સ/ડિરેક્ટરો/જામીનદારો સાથે મળીને બેંક ઓફ ઇન્ડિયાની આગેવાની હેઠળની સાત બેંકોમાંથી રૂ. 1,129.44 કરોડની છેતરપિંડી કરીને ક્રેડિટ ફેસિલિટી મેળવી હતી.
બેંકોના કન્સોર્ટિયમને રૂ. 754.24 કરોડનું નુકસાન થયું
અધિકારીએ જણાવ્યું હતું કે, વધુમાં એવું બહાર આવ્યું છે કે ગંગોત્રી એન્ટરપ્રાઈઝ અને તેના પ્રમોટર્સ, ડિરેક્ટર્સ અને બાંયધરી આપનારાઓ દ્વારા બેંકિંગના નિયમોનું ઉલ્લંઘન કરીને મોટા પાયા પર ફંડ ડાયવર્ટ, દુરુપયોગ અને ઉચાપત કરવામાં આવી હતી, જેના કારણે બેંકોના કન્સોર્ટિયમને રૂ. 754.24 કરોડનું નુકસાન થયું હતું.
EDએ અગાઉ 23 ફેબ્રુઆરીએ 10 જગ્યાઓ પર સર્ચ હાથ ધર્યું
EDએ અગાઉ 23 ફેબ્રુઆરીએ 10 જગ્યાઓ પર સર્ચ હાથ ધર્યું હતું, જે દરમિયાન ઉપાડેલા પૈસાથી ખરીદેલી વિવિધ મિલકતો સાથે સંબંધિત ગુનાહિત દસ્તાવેજો જપ્ત કરવામાં આવ્યા હતા.
17 નવેમ્બર, 2023ના રોજ એક એટેચમેન્ટ ઓર્ડર પણ જારી કરવામાં આવ્યો
એક અધિકારીએ કહ્યું, 17 નવેમ્બર, 2023ના રોજ એક એટેચમેન્ટ ઓર્ડર પણ જારી કરવામાં આવ્યો હતો, જેમાં આ કેસમાં 72.08 કરોડ રૂપિયાની અનેક સ્થાવર મિલકતો અટેચ કરવામાં આવી હતી. આ કેસમાં અત્યાર સુધી અટેચ કરેલી પ્રોપર્ટીની કુલ એકીકૃત કિંમત રૂ. 102.94 કરોડ છે.
