- રાજગુરુ નગરમાં ATMમાં રોકડ જમા કરાવતી કંપનીમાં લૂંટ
- રાત્રે 2 વાગ્યે હથિયારો સાથે 10 બદમાશો ઘૂસ્યા
- 5 કર્મચારીઓને બંદી બનાવી લીધા, ચલાવી દીલધડક લૂંટ
પંજાબના લુધિયાણામાં 7 કરોડથી વધુની લૂંટ. રાજગુરુ નગરમાં ATMમાં રોકડ જમા કરાવતી CMS સિક્યુરિટી કંપનીની ઓફિસમાં રાત્રે 2 વાગ્યે હથિયારો સાથે 10 બદમાશો ઘૂસ્યા. તેઓએ અહીં હાજર 5 કર્મચારીઓને બંદી બનાવી લીધા હતા. આ પછી તિજોરીની બહાર રાખેલી 4 કરોડની રોકડ અને ઓફિસની બહાર પાર્ક કરેલી કાર લઈ ગયા હતા. આ વાહનમાં 3 કરોડથી વધુની રોકડ હતી. આ સાથે સીસીટીવીનું ડીવીઆર પણ લઈ લીધું હતું.
બદમાશોના ગયા બાદ કર્મચારીઓએ પોલીસને જાણ કરી હતી. પોલીસને જાણ થતાં બદમાશો મુલ્લાનપુર પાસે વાહન છોડીને ભાગી ગયા હતા. આ વાહન પોલીસે કબજે કરી લીધું છે. કારમાંથી 2 પિસ્તોલ મળી આવી છે, જ્યારે રોકડ ગાયબ છે.
