Maharashtra: એકનાથ શિંદેના આ નિર્ણય પર CM ફડણવીસે લગાવી રોક, જાણો કેમ

મહારાષ્ટ્રના મુખ્યપ્રધાન દેવેન્દ્ર ફડણવીસે એકનાથ શિંદે સરકારના બસ ભાડે કરવાના નિર્ણય પર સ્ટે મૂકી દીધો છે. CMએ શિંદેની આગેવાની હેઠળની સરકારના આ નિર્ણયની સમીક્ષા કરી હતી અને પછીથી તેને રોકવાનો નિર્ણય લીધો. મુખ્યમંત્રી અગાઉની સરકારના અન્ય નિર્ણયોની સમીક્ષા કરશે કે નહીં તે હજુ સ્પષ્ટ નથી.

વિપક્ષના નેતા દાનવેએ કહ્યું કે આ નિર્ણયમાં કૌભાંડ થયા છે

જો કે, વિપક્ષી નેતા અંબાદાસ દાનવેએ જણાવ્યું હતું કે આ અંગે તેમને કોઈ સ્પષ્ટતા મળી નથી. વિપક્ષે આ મામલામાં 2800 કરોડ રૂપિયાના કૌભાંડનો આરોપ લગાવ્યો હતો. મહારાષ્ટ્ર વિધાનસભામાં વિપક્ષના નેતા દાનવેએ કહ્યું કે આ નિર્ણયમાં કૌભાંડ થયા છે. અમે એવા અહેવાલો સાંભળ્યા છે કે મુખ્યમંત્રીએ બસો ભાડે આપવાના નિર્ણયને નકારી કાઢ્યો છે, પરંતુ આ અંગે કોઈ પુષ્ટિ મળી નથી. એલઓપી દાનવેએ વિધાનસભામાં કહ્યું, "2022માં, MSRTCએ તેલ સહિત 44 રૂપિયા પ્રતિ કિલોમીટરના દરે બસ ભાડે આપી હતી."

વિપક્ષના નેતાઓએ કૌભાંડના લગાવ્યા આક્ષેપ

એલઓપી અંબાદાસ દાનવેએ જણાવ્યું હતું કે, "1,310 બસનું ભાડું 34.7 રૂપિયાથી 35.1 રૂપિયા પ્રતિ કિલોમીટર નક્કી કરવામાં આવ્યું હતું અને આ સંદર્ભે કરાર પત્ર પર હસ્તાક્ષર પણ કરવામાં આવ્યા હતા. જો પ્રતિ બસ માત્ર 22 રૂપિયા પ્રતિ કિલોમીટર ભાડે લેવામાં આવે તો દરેક બસ પ્રતિ કિલોમીટરના હિસાબે 56થી 57 રૂપિયામાં પડશે. જે અગાઉના કરાર મુજબ રૂપિયા 12-13નો તફાવત છે, આ એક કૌભાંડ છે.

કયા રૂટ પર દોડાવવાની હતી બસો?

તમને જણાવી દઈએ કે સપ્ટેમ્બર 2024માં શિંદે જૂથના શિવસેનાના ધારાસભ્ય ભરત ગોગાવલેને MSRTCના અધ્યક્ષ તરીકે નિયુક્ત કરવામાં આવ્યા હતા. ડિસેમ્બરમાં એમએસઆરટીસીએ ત્રણ ખાનગી કંપનીઓ સાથે એલઓઆઈ (ઈરાદાના પત્રો) જાહેર કર્યા હતા. નોંધનીય છે કે સંભવિત 1310 બસમાંથી 450 બસ મુંબઈ-પુણે, 430 બસ નાસિક-છત્રપતિ સંભાજી નગર અને 430 બસ નાગપુર-અમરાવતી રૂટ પર દોડાવવાની યોજના હતી.