સંદેશખાલી મામલે મમતા સરકારને ફટકો, SCએ જલ્દી સુનાવણી કરવાનો કર્યો ઇન્કાર

• સંદેશખાલી કેસ હાઇકોર્ટના આદેશથી હવે સોંપાયો છે સીબીઆઇને
  
• મમતા બેનર્જી હાઇકોર્ટના નિર્ણય સામે સુપ્રિમ કોર્ટમાં ગયા
• સુપ્રિમ કોર્ટમાં જલ્દી સુનાવણીની કરી હતી માંગ

કોલકાતા હાઈકોર્ટે ગઈ કાલે સંદેશખાલી કેસમાં આરોપી શાહજહાં શેખને સીબીઆઈને સોંપવા કહ્યું હતું. હાઈકોર્ટના નિર્ણય સામે રાજ્ય સરકાર સુપ્રીમ કોર્ટમાં ગઈ છે. પશ્ચિમ બંગાળ સરકારે સુપ્રીમ કોર્ટમાં વહેલી સુનાવણીની માંગ કરી છે. પશ્ચિમ બંગાળ સરકાર વતી એડવોકેટ અભિષેક મનુ સિંઘવી હાજર રહ્યા હતા. મમતા સરકારને આજે સુપ્રીમ કોર્ટ તરફથી મોટો ઝટકો લાગ્યો છે. સંદેશખાલી અને શેખ શાહજહાં મામલામાં સીબીઆઈ તપાસ સામે મમતા સરકારે સુપ્રીમ કોર્ટનો સંપર્ક કર્યો હતો, પરંતુ કોર્ટે આ મામલાની તાત્કાલિક સુનાવણી કરવાનો ઈન્કાર કરી દીધો હતો.

હવે CJI નક્કી કરશે- SC

મમતા સરકારની અરજી પર સુપ્રીમ કોર્ટે કહ્યું છે કે CJI નક્કી કરશે કે સુનાવણી ક્યારે થવી જોઈએ. પશ્ચિમ બંગાળ સરકારે શાહજહાં શેખને સીબીઆઈને સોંપવા માટે હાઈકોર્ટ સામે સુપ્રીમ કોર્ટમાં વહેલી સુનાવણીની માંગ કરી હતી.

મમતા સરકારે કલકત્તા હાઈકોર્ટના નિર્ણયને પડકાર્યો હતો

મમતા સરકારે હાઈકોર્ટના નિર્ણયને પડકાર્યો છે. તમને જણાવી દઈએ કે મંગળવારે (5 માર્ચ) કોલકાતા હાઈકોર્ટે ઈડી ટીમ પર હુમલાની તપાસ સીબીઆઈને સોંપવાનો આદેશ આપ્યો હતો.વાસ્તવમાં, મમતા સરકારનું કહેવું છે કે SIT આ મામલાની ગંભીરતાથી તપાસ કરી રહી છે. આ કેસ સીબીઆઈને સોંપવો બિલકુલ ખોટું છે.