- થાઇલેન્ડની રાજધાની બેંગકોકમાં વિશ્વ હિંદુ કોંગ્રેસનું આયોજન
- RSS પ્રમુખ મોહન ભાગવતે કર્યુ ઉદ્ઘાટન
- સંબોધન કરતી વખતે કરી મહત્વની વાત
RSS મોહન ભાગવતે થાઇલેન્ડની રાજધાની બેંગકોકમાં વિશ્વ હિંદુ કોંગ્રેસનું ઉદ્ઘાટન કર્યું.ત્રણ દિવસ સુધી ચાલેલા આ કાર્યક્રમમાં ઘણા મોટા હિન્દુ નેતાઓ, વિચારકો અને કાર્યકરોએ ભાગ લીધો હતો. આ કાર્યક્રમ વિશ્વભરના હિંદુઓ સામેના પડકારો અને તેના ઉકેલો પર ધ્યાન કેન્દ્રિત કરશે. કાર્યક્રમના મુખ્ય મહેમાનોમાં ઉત્તર પ્રદેશના મુખ્યમંત્રી યોગી આદિત્યનાથનું નામ પણ સામેલ છે. મુખ્યમંત્રી યોગી આદિત્યનાથ વીડિયો કોન્ફરન્સ દ્વારા આ સભાને સંબોધિત કરશે.
વિશ્વ હિંદુ કોંગ્રેસમાં સંબોધન
ત્યારે આજે આરએસએસ પ્રમુખ મોહનભાગવતે વિશ્વ હિંદુ કોંગ્રેસમાં સંબોધન કર્યું હતું. તેમણે કહ્યું કે 2000 વર્ષથી દુનિયાએ સુખ અને શાંતિ લાવવા માટે ઘણા પ્રયોગો કર્યા છે. દરેક વ્યક્તિએ ભૌતિકવાદ સામ્યવાદ અને મૂડીવાદનો પણ ઉપયોગ કર્યો છે અને જુદા જુદા ધર્મો અજમાવ્યા છે અને ભૌતિક સમૃદ્ધિ મેળવી છે પરંતુ હજુ પણ સંતોષ નથી. હવે દરેકને ભારત પાસેથી આશા છે.
દુનિયા એક પરિવાર છે- મોહન ભાગવત
તેમણે વધુમાં જણાવ્યું કે હવે ખાસ કરીને કોવિડ કાળ બાદ વિશ્વએ પુનર્વિચાર કરવાનું શરૂ કર્યું છે. તેમણે કહ્યું કે એવું લાગે છે કે વિશ્વ હવે વિચારી રહ્યું છે કે ભારત રસ્તો બતાવશે. કારણ કે ભારતમાં આ પરંપરા છે. ભારતે પહેલા પણ આમ જ કર્યું હતું અને આપણો સમાજ અને આપણા રાષ્ટ્રનો જન્મ તે ઉદ્દેશ્ય માટે જ થયો છે. વધુમાં તેઓએ જણાવ્યું કે દુનિયા એક પરિવાર છે અને અમે દરેકને 'આર્ય' બનાવીશું. લોકો ભૌતિક સુખના તમામ માધ્યમો પર કબજો મેળવવા માટે એકબીજા પર લડવા અને પ્રભુત્વ મેળવવાનો પ્રયાસ કરે છે. અમે આનો અનુભવ કર્યો છે."
જયસ્ત આયતનમ ધર્મ: છે થીમ
મહત્વનું છે કે વર્લ્ડ હિંદુ કોંગ્રેસ (WHC) ચાર વર્ષમાં એકવાર યોજાય છે. ત્રીજી વખત આયોજિત થઈ રહેલા કાર્યક્રમની થીમ જયસ્ય આયતનમ ધર્મ છે, જેનો અર્થ થાય છે કે ધર્મ વિજયનું ઘર છે. હિન્દુ મૂલ્યો અને સર્જનાત્મકતાની ભાવના વ્યક્ત કરવા માટે કાર્યક્રમમાં કુલ સાત સમાંતર સત્રોનું આયોજન કરવામાં આવશે.
