NEET UG Paper Leak: ફરી પરીક્ષા થશે કે નહી? વધુ સુનાવણી 18જુલાઇએ

• NEET UG 2024 મામલે સુનાવણી ટળી
  
• વધુ સુનાવણી 18 જુલાઇએ થશે
• સીબીઆઇએ કોર્ટમાં તપાસ રિપોર્ટ સોંપ્યો

NEET UG પરીક્ષામાં ગેરરીતિઓ અંગે દાખલ કરાયેલી અરજીઓ પર સુપ્રીમ કોર્ટમાં આજે થનારી સુનાવણી મોકૂફ રાખવામાં આવી છે. હવે આ કેસની સુનાવણી 18 જુલાઈએ થશે. આ કેસમાં સીબીઆઈએ NEET પેપર લીક કેસમાં અત્યાર સુધીની તપાસનો રિપોર્ટ કોર્ટમાં રજૂ કર્યો છે. જ્યારે કેન્દ્ર સરકાર અને NTAએ પણ કોર્ટમાં એફિડેવિટ દાખલ કરીને કહ્યું છે કે ફરીથી પરીક્ષા ન થવી જોઈએ.

18 જુલાઇએ સુનાવણી

CJI DY ચંદ્રચુડે આજની સુનાવણી દરમિયાન કહ્યું કે આ કેસની સુનાવણી આવતા સપ્તાહે સોમવારે થશે. આના પર એસજીએ કહ્યું કે તેઓ સોમવાર અને મંગળવારે અહીં નહોતા. ત્યારે CJIએ કહ્યું કે ઠીક છે, હવે કેસની સુનાવણી ગુરુવારે (18 જુલાઈ) થશે. ઉપરાંત, કોર્ટે કેન્દ્ર અને NTAના સોગંદનામાને રેકોર્ડ પર લીધા હતા. CJIએ અરજદારોને તેમનો જવાબ દાખલ કરવાનો પણ નિર્દેશ આપ્યો છે.

સોગંધનામુ કર્યુ હતું રજૂ

મહત્વનું છે કે નેશનલ ટેસ્ટિંગ એજન્સી (NTA)એ સુપ્રીમ કોર્ટમાં સોગંદનામું દાખલ કર્યું હતું. NTA એ એફિડેવિટમાં જણાવ્યું હતું કે સ્પર્ધાત્મક પરીક્ષાઓના પેપર તૈયાર કરવા માટે કડક સુરક્ષા પ્રક્રિયાઓનું પાલન કરવામાં આવે છે. ઘણા વિષય નિષ્ણાતોની હાજરીમાં પેપરો તૈયાર કરવામાં આવે છે. તેઓ સીલબંધ એન્વલપ્સમાં રાખવામાં આવે છે. પ્રિન્ટીંગ સીસીટીવી સર્વેલન્સ હેઠળ કરવામાં આવે છે. પેપરો કડક સુરક્ષા હેઠળ અને જીપીએસ ટ્રેકર અને ડીજીટલ લોક સાથે પરીક્ષા કેન્દ્રો પર મોકલવામાં આવે છે.