આંધ્રપ્રદેશમાં નવી મિસાઈલ ટેસ્ટિંગ રેન્જ બનાવવામાં આવશે, સુરક્ષા કેબિનેટે આપી મંજૂરી

આંધ્રપ્રદેશમાં એક નવી મિસાઈલ ટેસ્ટીંગ રેન્જ સ્થાપના કરવામાં આવશે. તેને ભારત સરકારની સુરક્ષા અંગેની કેબિનેટ સમિતિ તરફથી મંજૂરી મળી છે. આ નવી રેન્જ નાગાયલંકા વિસ્તારમાં બનાવવામાં આવશે, જે દેશમાં મિસાઇલ પરીક્ષણની પ્રક્રિયાને વધુ વેગ આપશે તેવી અપેક્ષા છે.

મિસાઈલ ટેસ્ટીંગ રેન્જ સ્થાપના કરવામાં આવશે

ભારત સરકાર રક્ષા ક્ષેત્રને મજબૂત બનાવવા માટે સતત પ્રયાસ કરી રહી છે. એક તરફ વૈજ્ઞાનિકો નવી અને અદ્યતન મિસાઈલ સિસ્ટમ વિકસાવી રહ્યા છે, તો બીજી તરફ સરકાર રક્ષા સંબંધિત નવા પ્રસ્તાવોને પણ મંજૂરી આપી રહી છે. નવી મિસાઈલ ટેસ્ટ રેન્જમાં સપાટીથી હવામાં પ્રહાર કરતી મિસાઈલ, ટેન્ક વિરોધી મિસાઈલ અને DRDO દ્વારા વિકસિત વ્યૂહાત્મક મિસાઈલ સિસ્ટમનું પરીક્ષણ કરવામાં આવશે.

અમેરિકા પાસેથી 31 પ્રિડેટર ડ્રોન ખરીદી રહ્યું છે ભારત

અગાઉ સુરક્ષા પરની કેબિનેટ સમિતિએ ભારતીય નૌકાદળ, આર્મી અને એરફોર્સ માટે બે પરમાણુ સબમરીન અને યુએસ પાસેથી 31 પ્રિડેટર ડ્રોન ખરીદવાની મંજૂરી આપી હતી. આ બેઠકમાં 80,000 કરોડ રૂપિયાથી વધુના મહત્વના સંરક્ષણ સોદાઓને મંજૂરી આપવામાં આવી હતી. આ 31 ડ્રોનમાંથી નેવીને 15 જ્યારે આર્મી અને એરફોર્સને 8-8 ડ્રોન મળશે. આર્મી અને એરફોર્સ આ ડ્રોનને ઉત્તરપ્રદેશમાં તેમના બે સ્ટેશનો પર તૈનાત કરશે.

DRDOએ મિસાઈલ પરીક્ષણની તૈયારીઓ કરી શરૂ

ડિફેન્સ રિસર્ચ ડેવલપમેન્ટ ઓર્ગેનાઈઝેશન (DRDO)એ નવી પેઢીની મિસાઈલોનું પરીક્ષણ કરવાની યોજના બનાવી છે. આવા કાર્યક્રમો હેઠળ અહીં ઘણી પરંપરાગત અને વ્યૂહાત્મક મિસાઇલોનું પરીક્ષણ કરવામાં આવશે, જે દેશની રક્ષા ક્ષમતામાં નોંધપાત્ર વધારો કરશે. આ પરીક્ષણો વર્તમાન મિસાઈલ પ્રણાલીને જ મજબૂત બનાવશે નહીં, પરંતુ ભવિષ્યની નવી મિસાઈલોનો પણ પાયો નાખશે.

દેશની સુરક્ષા કરશે વધારો

આ પગલું સંરક્ષણ ક્ષેત્રમાં આત્મનિર્ભરતા પ્રત્યે ભારતની પ્રતિબદ્ધતા દર્શાવે છે. તાજેતરમાં બદલાયેલી ભૌગોલિક રાજકીય પરિસ્થિતિને કારણે આ પરીક્ષણોની જરૂરિયાત પણ અનુભવાઈ છે, જે દેશની સુરક્ષા અને પ્રતિકાર ક્ષમતામાં પણ વધારો કરશે.

આર્મી અને એરફોર્સને આટલા ડ્રોન મળશે

છેલ્લી બેઠકમાં સુરક્ષા અંગેની કેબિનેટ સમિતિએ અમેરિકન જનરલ એટોમિક્સ પાસેથી 31 પ્રિડેટર ડ્રોન ખરીદવાની મંજૂરી આપી હતી. આ ડીલ ભારત અને અમેરિકા વચ્ચે ફોરેન મિલિટરી સેલ્સ એગ્રીમેન્ટ હેઠળ કરવામાં આવી છે. હવે તેને મંજૂરી મળી ગઈ છે, આ અંતર્ગત ભારતને ડીલ પર હસ્તાક્ષર કર્યાના ચાર વર્ષ પછી ડ્રોન મળવાનું શરૂ થશે. ભારતીય નેવીને 31માંથી 15 ડ્રોન મળશે. તેમજ આર્મી અને એરફોર્સને આઠ-આઠ ડ્રોન મળશે.