એરઈન્ડિયાની ફલાઈટમાં એક સુખદ ઘટના બની. બુધવારે મસ્કતથી મુંબઈ આવતી એરઈન્ડિયાની ફલાઈટમાં નવજાતનો જન્મ થયો. ફલાઈટ 30 ફૂટની ઊંચાઈ પર હતી ત્યારે મહિલાને લેબર પેન શરૂ થયું હતું. આવી સ્થિતિમાં પ્લેનનું લેન્ડિંગ કરાવવામાં પણ સમય લાગે છે. દરમિયાન એરઇન્ડિયાના કેબિન ક્રૂ સ્ટાફે પ્રવાસી મહિલાની મદદે આવ્યો. કેબિન ક્રૂ સ્ટાફે ફલાઈટની અંદર પ્રવાસી મહિલાની સફળ ડિલીવરી કરાવી. માતા અને બાળક બંને સ્વસ્થ છે. આ અસાધારણ ઘટના માત્ર માનવતાનું પ્રતીક જ નહીં, પણ એરલાઇન સ્ટાફની તૈયારી અને તાલીમનું ઉદાહરણ પણ બની.
ફ્લાઇટમાં મહિલાએ બાળકને જન્મ આપ્યો
માહિતી અનુસાર મુંબઈ આવતી ફલાઈટમાં એર ઈન્ડિયા એક્સપ્રેસ ફ્લાઇટમાં બાળકને જન્મ આપનાર પ્રવાસી મહિલા એક થાઈ નાગરિક છે. એરઇન્ડિયાની ફલાઈટ મસ્કતથી ઉપડી મુંબઈ આવી રહી હતી. દરમિયાન વિમાન 30 ફૂટની ઊંચાઈ પર હતું ત્યારે જ અચાનક થાઈ મહિલાને પ્રસૂતિની પીડાનો દુખાવો શરૂ થયો. વિમાનનું આટલી ઊંચાઈએથી તાત્કાલિક નીચે લેન્ડિંગ કરવું અશક્યુ હતું. ત્યારે વિમાનમાં હાજર એક નર્સ અને ફ્લાઇટના કેબિન ક્રૂના સહયોગથી મહિલાની ડિલીવરી કરવામાં આવી.
ફલાઈટ કેબિન ક્રૂની સરાહનીય કામગીરી
ફલાઈટમાં મહિલાની ડિલીવરી કરાતી હતી ત્યારે અન્ય પ્રવાસીઓએ પણ સહકાર આપ્યો. સમગ્ર સ્થિતિ અંગે પાયલોટે પણ એર ટ્રાફિક કંટ્રોલને જાણ કરી મુંબઈ એરપોર્ટ પર પ્રાથમિક ઉતરાણ માટે પરવાનગી માંગી હતી. જેથી ફલાઈટ લેન્ડ થાય ત્યારે મહિલા અને બાળકને વધુ સારવાર માટે હોસ્પિટલમાં તાત્કાલિક લઈ જવામાં સરળતા રહે. પાયલોટને જાણ કરતાં જ મુંબઈ એરપોર્ટ પર એક મેડિકલ ટીમ અને એમ્બ્યુલન્સ તૈનાત કરાઈ. ઉપરાંત, એરલાઇનની એક મહિલા કર્મચારીને હોસ્પિટલમાં તૈનાત કરવામાં આવી હતી જેથી જરૂરિયાત મુજબ શક્ય તમામ મદદ પૂરી પાડી શકાય.
