Bikaner Accident: ખાટુ શ્યામથી દર્શન કરીને આવી રહ્યા હતા શ્રદ્ધાળુઓ, 2 કાર ટકરાઇ, 5ના મોત

રાજસ્થાનના બિકાનેરમાં મંગળવારે સવારે ગમખ્વાર અકસ્માત સર્જાયો.શ્રી ડુંગરગઢ વિસ્તારમાં બે કાર વચ્ચે અથડામણ થઇ જેમાં 5 લોકોના મોત થયા હોવાનું સામે આવ્યું છે. નેશનલ હાઇવે 11 પર આ ઘટના બની. જેમાં બંને વાહનોના કૂરચેકૂરચા ઉડી ગયા.

કુલ 9 લોકો હતા બંને કારમાં 

પ્રાથમિક માહિતી મુજબ બંને કારના મળીને કુલ 5 લોકોના મોત થયા. જ્યારે 4 લોકો ગંભીર રીતે ઇજાગ્રસ્ત છે. એક કારમાં 4 શ્રદ્ધાળુઓ ખાટુ શ્યામથી દર્શન કરીને પરત આવી રહ્યા હતા. કહેવામાં આવી રહ્યું છે કે જીવ ગુમાવનારા બિકાનેરના રહેનારા હતા. કારમાં એટલી જોરદાર ટક્કર વાગી કે 2 લોકો તો કારના કાચ તૂટી જતા બહાર રસ્તા પર આવી પડ્યા હતા. મૃતદેહને કાઢવા માટે ભારે જહેમત ઉઠાવવી પડી હતી.

2 કલાક થયો ટ્રાફિક જામ 

એક કારમાં સવાર લોકો ખાટુ શ્યામના દર્શન કરીને બિકાનેર પરત ફરી રહ્યા હતા જ્યારે બીજી કારના લોકો બિગ્ગાના રહેનારા હતા. બંને કારમાં કુલ 9 લોકો હતા. જેમાં કરણ, દિનેશ, મદન અને સુરેન્દ્રના તો ઘટના સ્થળે જ મોત નીપજ્યા છે. એક ઇજાગ્રસ્તને બિકાનેર હોસ્પિટલ લઇ જતી વખતે જ મોત થયું. ઘટનાને પગલે લગભગ 2 કલાકનો ટ્રાફિક જામ સર્જાયો હતો. 

પોલીસ તપાસ તેજ 

હાલ પોલીસે મૃતદેહને પીએમ માટે ખસેડીને અકસ્માતના કારણોની તપાસ શરૂ કરી છે. તપાસ કરવામાં આવી રહી છે કે શું ડ્રાઇવર નશામાં હતા ? આ હાઇવે પર પહેલા પણ એક્સિડન્ટ થયો છે. હાઇસ્પીડ અને ટ્રાફિક નિયમોની અવગણના કરવાને કારણે અકસ્માતના બનાવો બને છે.