દિલ્હીના લાલ કિલ્લા મેટ્રો સ્ટેશન પાસે એક કારમાં જોરદાર વિસ્ફોટ થતાં અંધાધૂંધી મચી ગઈ હતી. આ વિસ્ફોટમાં 10 લોકો માર્યા ગયા હતા અને 30 ઘાયલ થયા હતા. એવું કહેવાય છે કે વિસ્ફોટથી કાર સળગવા લાગી હતી. આ વિસ્ફોટ લાલ કિલ્લા મેટ્રો સ્ટેશનના ગેટ નંબર 1 પાસે થયો હતો. આ ઘટનાની માહિતી મળતા જ 7 ફાયર એન્જિન ઘટનાસ્થળે દોડી ગયા હતા. એવું કહેવાય છે કે વિસ્ફોટને કારણે ત્યાં પાર્ક કરેલા ઘણા વાહનોમાં પણ આગ લાગી ગઈ હતી. વિસ્ફોટનું કારણ હજુ સ્પષ્ટ થયું નથી. FSL ટીમ અને દિલ્હી પોલીસના અધિકારીઓ ઘટનાસ્થળે હાજર છે.
ધીમી ગતિએ ચાલતું વાહન રેડ લાઇટ પર અટકી ગયું અને વાહનમાં વિસ્ફોટ થયો
દિલ્હી પોલીસ કમિશનર સતીશ ગોલચાએ જણાવ્યું હતું કે વિસ્ફોટ સાંજે 6:52 વાગ્યે ચાલતી કારમાં થયો હતો. પોલીસ કમિશનર સતીશ ગોલ્ચાએ જણાવ્યું હતું કે, "આજે સાંજે લગભગ 6:52 વાગ્યે, એક ધીમી ગતિએ ચાલતું વાહન રેડ લાઇટ પર અટકી ગયું અને વાહનમાં વિસ્ફોટ થયો, જેનાથી નજીકના વાહનોને નુકસાન થયું. FSL અને NIA સહિતની તમામ એજન્સીઓ હાજર છે. પરિસ્થિતિ પર નજર રાખવામાં આવી રહી છે. ગૃહમંત્રીએ પણ ફોન કર્યો હતો અને સમયાંતરે તેમની સાથે માહિતી શેર કરવામાં આવી રહી છે."
