મહારાષ્ટ્રમાં મહાનગરપાલિકાઓની ચૂંટણી શાંતિપુર્ણ રીતે પૂર્ણ થઈ ચૂકી છે અને હવે તેના એક્ઝિટ પોલ પણ સામે આવી રહ્યા છે. જે મુજબ ભાજપને સ્પષ્ટ બહુમત મળી રહ્યો છે. ખાસ કરીને BMCની ચૂંટણીમાં સારૂ મતદાન થયું છે અને આ વખતે ભાજપને બહુમત મળી રહ્યો છે. એક્ઝિટ પોલીના આંકડા મુજબ જોવા જઈએ તો BMCમાંથી 25 વર્ષ બાદ ઠાકરેની શિવસેના બહાર થશે અને ભાજપને સત્તા મળી શકે છે.
ભાજપનો રહેશે દબદબો
એક્સિસ માય ઈન્ડિયાના એક્ઝિટ પોલ મુજબ મુંબઈની 227 સીટમાંથી 131-151 સીટ ભાજપને મળી શકે છે તો યૂબીટીને 58-68 સીટ મળી શકે છે. કોંગ્રેસને 12-16 સીટ અને અન્ય ઉમેદવારોને 6-12 સીટ મળી શકે છે. એક્ઝિટ પોલના પરિણામ મુજબ મરાઠી લોકોએ યુબીટી એટલે કે ઠાકરે બંધુઓને 49 ટકા મતદાન કર્યું છે અને ભાજપ ગઠબંધને એટલે ભાજપ અને શિવસેના શિંદે જૂથને ઉત્તર ભારતીયોએ 68 મતદાન કર્યું છે. બીએમસી ચૂંટણીમાં ભાજપ ગઠબંધનને 42 ટકા અને ઠાકરે બંધુઓને 32 ટકા મત મળ્યા છે. જ્યારે કોંગ્રેસ અને અન્ય પાર્ટીઓને 13-13 ટકા મત મળ્યા છે.
