મહારાષ્ટ્રમાં મુંબઈ સહિત રાજ્યની 29 મહાનગરપાલિકાઓમાં મતદાન પૂર્ણ થઈ ચૂક્યું છે. સાંજે 5.30 વાગ્યા સુધી મતદાન પ્રક્રિયા ચાલી છે. મુંબઈની સાથે સાથે થાણે, નવી મુંબઈ, ઉલ્હાસનગર, કલ્યાણ-ડોંબિવલી, ભિવંડી-નિઝામપુર, મીરા-ભાયંદર, વસઈ-વિરાર, પનવેલ, નાસિક, માલેગાવ, પુણે, સોલાપુર, કોલ્હાપુર, નાગપુર, અમરાવતી, લાતૂર સહિતની મહાનગરપાલિકામાં મતદાનની પ્રક્રિયા પૂર્ણ થઈ ચૂકી છે.
BMCના 227 વોર્ડ માટે 1,700 ઉમેદવાર મેદાનમાં
BMCના 227 વોર્ડ માટે આ વખતે 1,700 ઉમેદવાર મેદાનમાં છે. મુંબઈમાં 1.03 કરોડથી વધુ મતદાતાઓએ પોતાના મતાધિકારનો ઉપયોગ કર્યો છે. મતદાન શાંતિપૂર્ણ રીતે પૂર્ણ થાય તે માટે મુંબઈ પોલીસે કડક સુરક્ષા વ્યવસ્થા ગોઠવી છે. ઘણા વિસ્તારોમાં બેરિકેડિંગ પણ કરવામાં આવ્યું છે, જેથી વાહનોનું કડક ચેકિંગ થઈ શકે. ઉલ્લેખનીય છે કે મુંબઈમાં મોટાભાગના અભિનેતા અને અભિનેત્રીઓએ મતદાન કર્યું છે અને પોતાના મતાધિકારનો ઉપયોગ કર્યો છે. આ સિવાય મુંબઈમાં બપોરે 3.30 વાગ્યા સુધીમાં 41.08 ટકા મતદાન નોંધાયું છે.
