બિઝનેસમેન અનિલ અંબાણીની મુશ્કેલી વધી ગઇ છે. મુંબઇમાં RCOM અને અનિલ અંબાણીના સ્થળો પર સીબીઆઇના દરોડ઼ા પડ્યા છે. મુંબઈમાં આરકૉમ અને અનિલ અંબાણી સાથે સંકળાયેલા સ્થળો પર સીબીઆઈએ દરોડા પાડ્યા છે. આ પહેલા ઇડી એ તેમને પૂછપરછ માટે બોલાવ્યા હતા. એસબીઆઈએ 13 જૂન, 2025ના રોજ તેમના ખાતાને ફ્રોડ જાહેર કર્યા હતા.
મની લોન્ડરિંગ કેસમાં પૂછપરછ થઇ હતી
પ્રવર્તન નિયામક સંસ્થા (ઇડી) દ્વારા 66 વર્ષીય વ્યવસાયી અનિલ અંબાણીની તેમની સમૂહની કંપનીઓ સામે લગભગ કરોડો રૂપિયાના બેંક લોનમાં થયેલા ઘોટાળાના મામલાઓમાં મની લોન્ડરિંગ કેસમાં પૂછપરછ કરવામાં આવી હતી. આ પૂછપરછના થોડા અઠવાડિયા બાદ હવે સીબીઆઈએ પણ અનિલ અંબાણીના છ અલગ અલગ સ્થળોએ દરોડા પાડ્યા છે.
SBI ને 2000 કરોડ રૂપિયાથી વધુ નુકસાન
સૂત્રોના જણાવ્યા અનુસાર, CBIએ કંપની સામે બેંક ફ્રોડનો કેસ નોંધાવ્યો છે, જેમાં સ્ટેટ બેંક ઓફ ઈન્ડિયા (SBI)ને 2000 કરોડ રૂપિયાથી વધુ નુકસાન થયું છે. CBIની ટીમોએ આજે મુંબઈમાં અનેક સ્થળોએ દરોડા પાડ્યા છે. આ સર્ચ ઓપરેશન RCOM અને અનિલ અંબાણી સાથે જોડાયેલા ઠેકાણાઓ પર ચાલી રહ્યું છે.
મામલાને SBIએ “ફ્રોડ” જાહેર કર્યો હતો
SBIએ 13 જૂન 2025ના રોજ આ મામલાને “ફ્રોડ”ની શ્રેણીમાં મૂક્યો હતો. આ પગલું ભારતીય રિઝર્વ બેંક (RBI)ની ફ્રોડ રિસ્ક મેનેજમેન્ટ માર્ગદર્શિકા અને બેંકની બોર્ડ દ્વારા મંજૂર થયેલ નીતિ હેઠળ લેવામાં આવ્યું હતું. ત્યારબાદ, 24 જૂન 2025ના રોજ બેંકે આ મામલો RBIને રિપોર્ટ કર્યો અને ફરિયાદ નોંધાવવાની પ્રક્રિયા શરૂ કરી. આ સમગ્ર મુદ્દા અંગે નાણાં રાજ્ય મંત્રી પંકજ ચૌધરીએ ગયા મહિને લોકસભામાં લખિત જવાબ આપ્યો હતો. તેમણે કહ્યું હતું કે બેંકે ફ્રોડ રિપોર્ટ RBIને મોકલી દીધો છે અને CBIમાં પણ ફરિયાદ નોંધાવવાની પ્રક્રિયા શરૂ થઈ ગઈ છે. હવે CBIએ આ કેસમાં ઔપચારિક રીતે કેસ નોંધાવી કાર્યવાહી શરૂ કરી દીધી છે.
EDએ પણ પૂછપરછ કરી હતી
પ્રવર્તન નિર્દેશાલય (ED)એ થોડા દિવસ પહેલાં અનિલ અંબાણીની બેંક ઘોટાળાના કેસમાં પૂછપરછ કરી હતી. આ પૂછપરછ નવી દિલ્હી સ્થિત EDના મુખ્યાલયમાં થઈ હતી, જ્યાં 17,000 કરોડ રૂપિયાના બેંક લોન ઘોટાળાને લઈને તેઓને ઘણા કલાકો સુધી પ્રશ્નો પૂછવામાં આવ્યા હતા. EDએ પૂછ્યું હતું કે શું લોન શેલ કંપનીઓને આપવામાં આવી હતી? શું આ રકમ રાજકીય પક્ષોને મોકલવામાં આવી? અને શું કોઈ અધિકારીને લાંચ આપવામાં આવી હતી? અનિલ અંબાણીને એક અઠવાડિયા પછી ફરીથી પૂછપરછ માટે બોલાવવામાં આવ્યા હતા.
