દિલ્હી વિધાનસભાને બોમ્બથી ઉડાવાની ધમકી મળી છે. વિધાનસભા અધ્યક્ષને ધમકી ભર્યો ઇમેઇલ મળ્યો. દિલ્હી પોલીસને સોમવારે એક ઇમેઇલ મળ્યો જેમાં દિલ્હી વિધાનસભા અને લાલ કિલ્લાને બોમ્બથી ઉડાવી દેવાની ધમકી આપવામાં આવી હતી, જે કથિત રીતે ખાલિસ્તાની જૂથ તરફથી હતો. પોલીસ અને સાયબર સેલ આ ધમકીની તપાસ કરી રહ્યા છે.
દિલ્હી પોલીસે હાથ ધરી તપાસ
દિલ્હી પોલીસે જણાવ્યું હતું કે સર્ચ ઓપરેશનમાં કંઈ ખતરનાક કે હાનિકારક મળ્યું નથી, પરંતુ તમામ જરૂરી સાવચેતીના પગલાં લેવામાં આવી રહ્યા છે. ધમકીભર્યા ઈમેલની તપાસ કરવામાં આવી રહી છે અને તે કોણે અને ક્યાંથી મોકલ્યો છે તે નક્કી કરવાનો પ્રયાસ કરવામાં આવી રહ્યો છે. આ બાબતને ગંભીરતાથી લેતા, સાયબર સેલ પણ તપાસ કરી રહ્યું છે. સુરક્ષા એજન્સીઓનું કહેવું છે કે પરિસ્થિતિ પર નજીકથી નજર રાખવામાં આવી રહી છે.
