IRCTC Down : છઠ પૂજા માટે ટ્રેનની ટિકિટ બુક કરવી બની મુશ્કેલ, IRCTCની વેબસાઇટ અને એપ થઈ ડાઉન

તહેવારોની ભીડ વચ્ચે શનિવારે મુસાફરોને ટ્રેન ટિકિટ બુક કરવામાં મુશ્કેલીનો સામનો કરવો પડ્યો છે, કારણ કે IRCTCની વેબસાઈટ ફરીથી ડાઉન થઈ ગઈ છે. ઘણા મુસાફરોએ IRCTC વેબસાઇટ અને એપ પર ટિકિટ બુક ન કરી શકવાની ફરિયાદ કરી છે. આઉટેજ ટ્રેકિંગ પોર્ટલ ડાઉનડિટેક્ટરે IRCTC વેબસાઈટ અને એપ પર આઉટેજની પુષ્ટિ કરી છે.

આઉટેજ ટ્રેકિંગ પોર્ટલ અનુસાર, ઘણા યુઝર્સને ટિકિટ બુક કરતી વખતે સમસ્યાઓનો સામનો કરવો પડ્યો. ઘણા યુઝર્સને એપ્લિકેશન અને વેબસાઈટમાં લોગ ઈન કરવામાં પણ સમસ્યાઓનો સામનો કરવો પડી રહ્યો હતો. IRCTCએ સત્તાવાર નિવેદન જાહેર કર્યું નથી પરંતુ યુઝર્સને તેમના X હેન્ડલ પરની ઈ-ક્વેરી લિંક પર તેમની ફરિયાદો નોંધાવવાની સલાહ આપી છે.

IRCTCએ શું આપ્યો જવાબ?

IRCTCએ તેના X હેન્ડલ પર ફરિયાદ કરનારાઓને https://equery.irctc.co.in/irctc_equery/ પર તેમના રજિસ્ટર્ડ મોબાઈલ નંબર અથવા ઈમેઈલ આઈડીનો ઉપયોગ કરીને તેમની ફરિયાદો સબમિટ કરવાનો નિર્દેશ આપ્યો. ડાઉનડિટેક્ટરે પુષ્ટિ કરી કે IRCTC વેબસાઇટ ડાઉન છે. સવારે 10:01 વાગ્યે આઉટેજ ટ્રેકિંગ પોર્ટલ પર લગભગ 180 યુઝર-રિપોર્ટ્સ રેકોર્ડ કરવામાં આવ્યા હતા, જે કામચલાઉ આઉટેજ દર્શાવે છે. આ સમય દરમિયાન 52% યુઝર્સે મોબાઈલ એપમાં અને 45% યુઝર્સે વેબસાઈટમાં સમસ્યાઓની જાણ કરી હતી.

યુઝર્સ થયા પરેશાન

સોશિયલ મીડિયા પર યુઝર્સે આઉટેજ અંગે ફરિયાદ કરી છે. યુઝર્સે કહ્યું કે એપ્લિકેશન અને વેબસાઈટને થોડા દિવસોથી તત્કાલ બુકિંગ સમય દરમિયાન સમસ્યાઓનો સામનો કરવો પડી રહ્યો છે. અન્ય એક યુઝર્સે દાવો કર્યો હતો કે IRCTC એપ્લિકેશન છેલ્લા ત્રણથી ચાર દિવસથી તત્કાલ સમય દરમિયાન કામ કરી રહી નથી. જવાબમાં રેલવેએ કહ્યું કે યુઝર્સે તેમના રજિસ્ટર્ડ મોબાઈલ નંબર / ઇમેઇલ આઈડીનો ઉપયોગ કરીને https://equery.irctc.co.in/irctc_equery/ પર તેમની ફરિયાદો નોંધાવી શકે છે.