Jammu Kashmir: જમ્મુ કાશ્મીરમાં સેનાનું Operation Pimple, કૂપવાડામાં 2 આતંકી ઠાર

ભારતીય સેનાએ જમ્મુ અને કાશ્મીરમાં એક મોટું ઓપરેશન શરૂ કર્યું છે. સેનાએ કુપવાડામાં બે ઘુસણખોરોને ઠાર માર્યા છે. સેનાએ આ ઓપરેશનને 'ઓપરેશન પિમ્પલ' નામ આપ્યું છે. ચિનાર કોર્પ્સે જણાવ્યું હતું કે આ વિસ્તારમાં શોધખોળ હજુ પણ ચાલુ છે.

2 ઘૂસણખોરો ઠાર મરાયા 

સેનાએ કહ્યું કે તેમને ગુપ્તચર એજન્સી તરફથી માહિતી મળી હતી કે કુપવાડામાં ઘૂસણખોરી થઈ છે. તેના આધારે સેનાએ કુપવાડાના કેરન સેક્ટરમાં સંયુક્ત ઓપરેશન શરૂ કર્યું. આ દરમિયાન આતંકવાદીઓની શંકાસ્પદ ગતિવિધિઓ જોવા મળી. સેનાએ તરત જ આતંકવાદીઓને ઘેરી લેવાનું શરૂ કર્યું. આતંકવાદીઓએ સેના પર અંધાધૂંધ ગોળીબાર કર્યો. જવાબમાં સેનાએ પણ ગોળીબાર કર્યો.

સર્ચ ઓપરેશન તેજ 

જમ્મુ-કાશ્મીરના કુપવાડા જિલ્લામાં સુરક્ષાદળો સાથે અથડામણમાં બે આતંકવાદીઓ માર્યા ગયા હતા. સેનાએ આ ઓપરેશનને ઓપરેશન પિમ્પલ રાખ્યું છે. સુરક્ષા દળોએ આ વિસ્તાર ઘેરી લીધો હતો. સરહદ પારથી ઘૂસણખોરીના પ્રયાસ બાદ આ કાર્યવાહી શરૂ કરવામાં આવી હતી.