માતા વૈષ્ણો દેવીના બેઝ કેમ્પ કટરા નજીક તારાકોટ વિસ્તારમાં સેન્ટ્રલ ઇન્ડસ્ટ્રિયલ સિક્યુરિટી ફોર્સ કર્મચારીઓની બસનો અકસ્માત થયો હતો.
જમ્મુ અને કાશ્મીરમાં અકસ્માત
જમ્મુ અને કાશ્મીરના કટરામાં CISF બસ અકસ્માતમાં આઠ સૈનિકો અને એક ડ્રાઇવર સહિત નવ લોકો ઘાયલ થયા છે. રિયાસી જિલ્લાના તારાકોટ નજીક બસે કાબૂ ગુમાતા તે ખીણમાં ખાબકી હતી. ઘાયલોને પ્રાથમિક સારવાર બાદ GMC જમ્મુ રિફર કરવામાં આવ્યા હતા. જ્યારે ત્રણ ગંભીર રીતે ઘાયલ સૈનિકોને નારાયણ હોસ્પિટલમાં દાખલ કરવામાં આવ્યા હતા. જ્યાં ત્રણ સૈનિકોની હાલત ગંભીર હોવાથી તેમને વિશેષ સારવાર માટે જમ્મુ રિફર કરવામાં આવ્યા હતા.
ઘાયલોને ખસેડાયા હૉસ્પિટલમાં
અધિકારીઓના જણાવ્યા અનુસાર બપોરે આ અકસ્માત ત્યારે થયો જ્યારે CISF બસ, નોંધણી નંબર JK08D-5992, સુરક્ષા કર્મચારીઓને તેના ગંતવ્ય સ્થાન પર લઈ જઈ રહી હતી. તારાકોટ નજીક ડ્રાઇવરે અચાનક વાહન પરનો કાબુ ગુમાવ્યો, જેના કારણે બસ રસ્તા પરથી લપસી ગઈ. અકસ્માતને કારણે ઘટનાસ્થળે અફડાતફડી મચી હતી. ઘટનાની જાણ થતાં જ સ્થાનિક વહીવટીતંત્ર, પોલીસ અને બચાવ ટીમો ઘટનાસ્થળે પહોંચી ગઈ. બચાવ કાર્યકરોએ બસમાં ફસાયેલા ઘાયલોને બચાવ્યા અને તાત્કાલિક નજીકની હોસ્પિટલમાં લઈ ગયા. પ્રાથમિક સારવાર આપ્યા બાદ, તમામ ઘાયલોની તબીબી તપાસ કરવામાં આવી હતી.
પોલીસ તપાસ શરુ
અકસ્માતનું ચોક્કસ કારણ જાણી શકાયુ નથી. પ્રાથમિક માહિતી અનુસાર, બસ ડ્રાઇવરે અચાનક વાહન પરનો કાબુ ગુમાવ્યો હતો. જેના કારણે બસ રસ્તા પરથી લપસી હતી. જો કે, પોલીસ અને સંબંધિત એજન્સીઓ અકસ્માતના ચોક્કસ કારણની તપાસ કરી રહી છે. ટેકનિકલ ખામીઓ, રસ્તાની સ્થિતિ અને અન્ય સંભવિત કારણોની પણ તપાસ કરવામાં આવી રહી છે. અકસ્માત બાદ, વહીવટીતંત્રે ઘટનાસ્થળનું નિરીક્ષણ કર્યું અને અકસ્માત સંબંધિત તમામ હકીકતો એકત્રિત કરવાનું શરૂ કર્યું. અધિકારીઓનું કહેવું છે કે તપાસ પૂર્ણ થયા પછી જ અકસ્માતનું કારણ નક્કી કરવામાં આવશે. આ અકસ્માતમાં એકમાત્ર બચાવ એ હતો કે રાહત અને બચાવ ટીમોના સમયસર આગમનથી તમામ ઘાયલોને તાત્કાલિક હોસ્પિટલમાં લઈ જવામાં આવ્યા. હાલમાં, બધા ઘાયલોની સારવાર ચાલી રહી છે, અને વહીવટીતંત્ર પરિસ્થિતિ પર સતત નજર રાખી રહ્યું છે.
આ પણ વાંચોઃ શું સ્ક્રીન સમયને કારણે જ આંખો થાય છે ડ્રાય, જાણો શુ છે કારણો અને ઉપાય?
