Air India Flight News: એયરપોર્ટ પર Mumbai-Jodhpur પ્લેનમાં સર્જાઇ ટેક્નિકલ ખામી, ક્રૂ મેમ્બરના કારણે ટળી દુર્ઘટના, યાત્રીઓ સુરક્ષિત

મુંબઇ એયરપોર્ટ પર એયર ઇન્ડિયાની જોધપુર ફ્લાઇટ ટેક-ઓફ પહેલા જ રોકી દેવામાં આવી હતી. ટેક્નિકલ એલર્ટના કારણે પાયલટે મોટી દુર્ઘટના ટાળી હતી. આ દુર્ઘટનામાં તમામ યાત્રીઓ સુરક્ષિત છે. થોડા સમય માટે એયરપોર્ટ પર અફરા-તફરી મચી હતી.

મોટી દુર્ઘટના ટળી

રનવે પર AI ફ્લાઇટ દોડી રહી હતી. ત્યારે જ અચાનક મુંબઇ-જોધપુર પ્લેન રોકી દેવામાં આવ્યુ હતુ. મુંબઇ એયરપોર્ટ પર એયર ઇન્ડિયા ફ્લાઇટ AI645 ટેક ઓફ પહેલા જ રોકી દેવામાં આવી હતી. મુંબઇ એયરપોર્ટ પર ફ્લાઇટમાં એલાર્મ નોટિલ મળી હતી. ત્યારે જ ઉડાનને રોકવા માટે નિર્ણય લેવામાં આવ્યો હતો. આ દુર્ઘટના દરમિયાન યાત્રીઓના જીવ અધ્ધર થયા હતા. અને થોડા સમય માટે એયરપોર્ટ પર હોબાળો જોવા મળ્યો હતો. એયર ઇન્ડિયાએ નિવેદન જાહેર કર્યુ હતુ અને કહ્યુ હતુ કે, આ એક ઓપરેશનલ ઇશ્યુ છે. પાયલટે પોતાની સૂઝબૂઝ વાપરીને ફ્લાઇટને રોકી હતી. આ ઘટનામાં તમામ યાત્રીઓ સુરક્ષિત છે.

ગ્રાઉંડ ટીમે તુરંત મોર્ચો સંભાળ્યો

મુંબઇ એયરપોર્ટ પર એયર ઇન્ડિયાની ગ્રાઉંડ ટીમે તુરંત મોર્ચો સંભાળ્યો હતો. પ્રવાસીઓને સુરક્ષિત બહાર કાઢવામાં આવ્યા હતા. અને તેમના માટે અન્ય ફ્લાઇટની વ્યવસ્થા કરવામાં આવી હતી. 22 ઓગષ્ટના રોજ મુંબઇ-જોધપુર જનાર ફ્લાઇટ AI645ને એક ઓપરેશનલ મુશ્કેલીના કારણે Bay પર પરત લાવવું પડ્યુ હતુ. કોકપિટ ક્રૂએ પ્રક્રિયાોનું પાલન કરતા ટેકઓફ રનને વચ્ચેથી જ રોકવાનો નિર્ણય કર્યો હતો. અને ફ્લાઇટને સુરક્ષિતરૂપથી પરત લાવવાનો પ્રયાસ કરાયો હતો. આવા સંજોગોમાં પ્રાથમિકતા યાત્રીઓને સુરક્ષિત રીતે બહાર કાઢવાની હોય છે.