Odisha News: કટક રેલ્વે સ્ટેશન પર નિર્માણાધીન છત તૂટી પડતા દોડધામ, મોટાભાગની ટ્રેનને થઇ અસર

કટક રેલ્વે સ્ટેશનના પ્લેટફોર્મ નંબર 1 અને 2 પર નિર્માણાધીન છતનો ભાગ પડતા નાસભાગ સર્જાઇ હતી. આ અકસ્માતમાં કોઈ જાનહાનિના સમાચાર નથી. ટ્રેન સેવા અસ્થાયી રૂપે ખોરવાઈ ગઈ હતી. અકસ્માત દરમિયાન ટ્રેક પરનો કાટમાળ દૂર કરવાનું કામ શરૂ થઈ ગયું છે અને ફરી ટ્રેન સેવા પુનઃસ્થાપિત કરવામાં આવશે.

રેલ્વે સ્ટેશન પર નાસભાગ

ઓડિશાના કટક રેલ્વે સ્ટેશન પર નિર્માણાધીન છતનો એક ભાગ અચાનક પ્લેટફોર્મ નંબર 1 અને 2 પર ધરાશાયી થયો હતો. અકસ્માત બાદ સ્ટેશન પર દોડધામ સર્જાઇ હતી. અકસ્માત બાદ, પ્લેટફોર્મ નંબર 1 અને 2 પર ટ્રેન સેવા અસ્થાયી રૂપે બંધ કરી દેવામાં આવી હતી. રેલ્વે અધિકારીઓએ જણાવ્યું હતું કે આ અકસ્માતમાં કોઈ જાનહાનિના સમાચાર નથી. રેલ્વે ટ્રેક પરથી કાટમાળ દૂર કરવાનું કામ ચાલી રહ્યું છે. ટ્રેન સેવા ટૂંક સમયમાં સુગમ રીતે શરૂ થશે. મળતી માહિતી મુજબ, સાંજે 4 વાગ્યાની આસપાસ, સ્ટેશનના પુનર્વિકાસ કાર્ય દરમિયાન, અચાનક એક જૂની દિવાલ અને બાંધકામ હેઠળની છતનો એક ભાગ તૂટી પડ્યો. છત અને શેડનો કાટમાળ સીધો પ્લેટફોર્મ અને ટ્રેક પર પડ્યો, જેના કારણે ટ્રેન સેવાને પણ અસર થઇ હતી.

ઘટના અંગે તપાસ શરુ

રેલ્વે અધિકારીએ જણાવ્યુ હતુ કે, આ અકસ્માતમાં કોઈ ઘાયલ કે જાનહાનિ થયાના કોઈ સમાચાર નથી. સ્ટેશન પર તાત્કાલિક રાહત કાર્ય શરૂ કરવામાં આવ્યું હતું અને લગભગ 45 મિનિટમાં ટ્રેક સાફ કરીને સામાન્ય અવરજવર પુનઃસ્થાપિત થવાની અપેક્ષા છે. જોકે, આ અકસ્માતમાં કોઈ જાનહાનિના સમાચાર નથી. રેલ્વે સ્ટેશન પર અકસ્માતની તપાસનો આદેશ આપવામાં આવ્યો છે. અકસ્માત બાંધકામ કાર્ય દરમિયાન થયો હતો. હવે તપાસ કરવામાં આવી રહી છે કે સલામતીના ધોરણોમાં કોઈ બેદરકારી હતી કે નહીં. ઉપરાંત, ભવિષ્યમાં આવા અકસ્માતો અટકાવવા માટે બાંધકામ કાર્ય પર દેખરેખ કડક બનાવવાની ખાતરી આપવામાં આવી છે.