Delhi : સીએમ રેખા ગુપ્તા પરના હુમલાની તપાસમાં મોટો ઘટસ્ફોટ, આરોપીના મોબાઇલમાંથી મળ્યા શંકાસ્પદ નંબરો

બુધવારે 20 ઓગસ્ટની સવારે જ્યારે દિલ્હીની મુખ્યમંત્રી રેખા ગુપ્તા જનસુનાવણી કરી રહ્યા હતા ત્યારે એક શખ્સે તેમના પર હુમલો કર્યો હતો. આ આરોપીની ઓળખ રાજેશ ખિમજીભાઈ સાકરીયા તરીકે થઇ છે અને તે રાજકોટનો છે. દિલ્હી પોલીસએ તેના વિરુદ્ધ હત્યા કરવાનો પ્રયાસ હેઠળ ગુનો નોંધ્યો છે

પોલીસને મળી મહત્વની માહિતી

પ્રારંભિક તપાસ દરમિયાન, પોલીસને આરોપીના મોબાઈલમાંથી ઘણા શંકાસ્પદ નંબર મળ્યા છે, જેમની સાથે આરોપી ગઈકાલથી સતત સંપર્કમાં હતો.

આ બધા નંબર ગુજરાતના છે

આરોપીનો ફોન જપ્ત કરીને તેને ફોરેન્સિક તપાસ માટે મોકલવામાં આવ્યો છે, જેથી હુમલાની પાછળ રહેલી મંશા અને ષડયંત્રનો પર્દાફાશ થઈ શકે।

મુખ્યમંત્રીનો ભાવુક સંદેશ

આ દરમિયાન મુખ્યમંત્રી રેખા ગુપ્તાએ પોતાના ટ્વિટર (X) હેન્ડલ પર એક ભાવુક સંદેશ શેર કર્યો છે તેમણે લખ્યું કે આજે સવારે જનસુનાવણી દરમિયાન મારા પર થયેલ હુમલો માત્ર એક વ્યક્તિ પર નહિ, પરંતુ દિલ્હીની સેવા અને જનકલ્યાણ માટેના મારા સંકલ્પ પર થયેલ એક કાયરતાપૂર્વકનો પ્રયાસ છે.