USA India Tariff News: ચીનના વિદેશ મંત્રી વાંગ યી ભારત પ્રવાસે આવશે, અજિત ડોભાલ સાથે થશે બંધ બારણે બેઠક

આગામી અઠવાડિયે ચીનના વિદેશ મંત્રી વાંગ યી ભારત પ્રવાસે આવી રહ્યા છે. નેશનલ સિક્યોરિટી એડવાઇઝર અજીત ડોભાલ સાથે બેઠક કરશે. જ્યારે આંતરરાષ્ટ્રીય બજારમાં કૂટનીતિની પરિસ્થિતઓ બદલાઇ રહી છે. તેવા સમયે આ બન્ને દેશની હસ્તિઓ એકબીજા સાથે મુલાકાત કરી રહી છે. અમેરિકાના રાષ્ટ્રપતિ ડૉનાલ્ડ ટ્રમ્પ ઇચ્છે કે, ભારત રશિયા પાસેથી તેલ ખરીદવાનું બંધ કરે.

ભારત માટે નવી સમસ્યાઓ ?

અમેરિકા અને ભારત વચ્ચેના સંબંધો આ સમયે કડવાશભર્યા છે. ટ્રમ્પે સ્પષ્ટપણે કહ્યું છે કે, રશિયા પાસેથી તેલ ન ખરીદો. પરંતુ રશિયન તેલ સસ્તું, વિશ્વસનીય છે અને આ જ દેશની મશીનરી ચલાવી રહ્યું છે. હવે આ ટગ-ઓફ-વોર ખુલ્લા રસ્તા પર થઈ રહી છે. પડદા પાછળ નહીં. બીજી બાજુ, પાકિસ્તાન વોશિંગ્ટનના શરણે પડ્યુ છે. તાજેતરમાં, અમેરિકા અને પાકિસ્તાન વચ્ચે ફરીથી સંબંધો વધ્યા છે. ભારત માટે નવી સુરક્ષા સમસ્યાઓ ઊભા કરી રહ્યું છે.

ચીન ભારતનું વલણ તપાસશે ?

વિદેશ મંત્રી એસ. જયશંકર રશિયાની મુલાકાત લેવાની તૈયારી કરી રહ્યા છે. આના થોડા દિવસ પહેલા, ડોભાલ મોસ્કોમાં પુતિનને મળ્યા હતા. દિલ્હી રશિયા સાથેના સંબંધોને મજબૂત બનાવવા માટે જમીન તૈયાર કરી રહ્યું છે. વોશિંગ્ટન તેને ગમે તેટલું નાપસંદ કરે. વાંગ યીની મુલાકાત અમેરિકા અને ખાસ કરીને ડોનાલ્ડ ટ્રમ્પને સીધો સંદેશ છે કે આપણે સાથે આવી રહ્યા છીએ. વાંગ યીની મુલાકાત ખાસ છે કારણ કે તેઓ લાંબા સમય પછી આવી રહ્યા છે. ડોકલામ, લદ્દાખ અને સરહદ વિવાદ પછી બેઇજિંગ અને નવી દિલ્હી વચ્ચેની વાતચીતમાં ઠંડી હતી. હવે ચીન ભારત 'નરમ' છે કે 'કઠિન' છે તે ચકાસવા માટે આવ્યું છે.