સોશિયલ મીડિયા પર હાલમાં સ્વામી પ્રેમાનંદ મહારાજનો એક વીડિયો ખૂબ જ ઝડપથી વાયરલ થઈ રહ્યો છે. આ વીડિયોમાં મહારાજશ્રી પુરુષોત્તમ માસના શુભ અવસર પર યમુના નદીના પવિત્ર કિનારે એકાંતમાં વિશેષ ધ્યાન અને સાધના કરતા જોવા મળે છે. વીડિયોમાં તેમના શિષ્યો પણ તેમની સાથે ભજન-કીર્તન, મંત્રોચ્ચાર અને ધ્યાનમાં મગ્ન દેખાય છે. યમુના કિનારાનું આ અલૌકિક અને શાંત દ્રશ્ય ભક્તોને મંત્રમુગ્ધ કરી રહ્યું છે, જેના કારણે હજારો લોકો આ વીડિયોને સોશિયલ મીડિયાના અલગ-અલગ પ્લેટફોર્મ પર શેર કરી રહ્યા છે.
પ્રેમાનંદ મહારાજ સાધનમાં લીન, ભક્તો દર્શન કરવા આતુર
બીજી તરફ, મોટી સંખ્યામાં ભક્તો મહારાજશ્રીના ઝડપી સ્વાસ્થ્ય માટે પ્રાર્થના કરી રહ્યા છે જેથી તેઓ પોતાની નિયમિત પદયાત્રા ફરી શરૂ કરી શકે અને ભક્તોને તેમના દર્શનનો લાભ મળી શકે. ભક્તોનું કહેવું છે કે પ્રેમાનંદ મહારાજની પદયાત્રા માત્ર એક યાત્રા નથી પરંતુ લાખો લોકો માટે આધ્યાત્મિક ઉર્જાનો મુખ્ય સ્ત્રોત છે. થોડા દિવસ પહેલા જ પ્રેમાનંદ મહારાજનો એંકાતવાસ પરનો વીડિયો વાયરલ થયો હતો. પ્રેમાનંદજી મહારાજનો આ નવો વિડિઓ 'ભજન માર્ગ' ની સત્તાવાર યુટ્યુબ ચેનલ પર અપલોડ કરવામાં આવ્યો. આ વિડિઓનું શીર્ષક છે "આપણું મૌન, આપણું એકાંત, બધું તમારા માટે છે!" પોતાની બંધ ઝૂંપડીમાંથી સંદેશ આપતા મહારાજજીએ કહ્યું, "હું તમને મળું કે ન મળું, હું બોલું કે ન મળું... મારું આ મૌન અને એકાંત ફક્ત તમારા માટે છે. તમે ફક્ત ભગવાનનું નામ જપશો, અને ભગવાન તમારું ભરણપોષણ કરશે."
