Priyanka Gandhiએ આલિયા ભટ્ટની માગી માફી, પછી કહ્યું તે બહુ ક્યૂટ છે, જાણો શું છે મામલો

કોંગ્રેસના વાયનાડના સાંસદ વાડ્રાએ સોશિયલ મીડિયા પર એક વીડિયો શેર કર્યો જેમાં તેઓ કેરળના તિરુવંબડીમાં એક ડેરી ફાર્મમાં ગાયોને પ્રેમ કરતા અને ખવડાવતા જોવા મળ્યા. જોકે આ વીડિયોમાં તેમણે આલિયા ભટ્ટનો ઉલ્લેખ કર્યો છે અને પાછી આલિયા ભટ્ટની માફી પણ માગી છે.આવો જાણીએ કેમ..

પ્રિયંકા ગાંધીએ આલિયા ભટ્ટની માગી માફી 

પ્રિયંકા ગાંધી વાડ્રાએ X પરની વિડિઓ પોસ્ટમાં કહ્યું કે તેઓ એક ખૂબ જ સુંદર પરિવાર દ્વારા સંચાલિત ડેરી ફાર્મમાં ડેરી ખેડૂતોના એક જૂથને મળ્યા. જ્યાં તેઓ આલિયા ભટ્ટ નામની ગાયને પણ મળ્યા! આ વીડિયો પોસ્ટમાં તેમણો બોલિવુડ અભિનેત્રીને ટેગ કરીને તેની માફી માગી છે. તેમણે આ પોસ્ટ રમૂજી અંદાજમાં શેર કરી હતી. કોંગ્રેસના નેતાએ બાદમાં ડેરી ખેડૂતો દ્વારા સામનો કરવામાં આવતા સંઘર્ષો અને મુશ્કેલીઓને સંબોધિત કરી. જેમાં નાણાકીય મુશ્કેલીઓ અને અપૂરતી વીમા કવરેજનો સમાવેશ થાય છે.

આલિયા ભટ્ટને ટેગ કરીને માગી માફી 

પ્રિયંકા ગાંધીએ કહ્યું કે દુર્ભાગ્યવશ, ડેરી ખેડૂતો ઘણી મુશ્કેલીઓનો સામનો કરી રહ્યા છે. ઘણા લોકો ગુજરાન ચલાવવામાં પણ અસમર્થ છે. હું સંબંધિત મંત્રાલયને પત્ર લખીને તેમને ઘણી સમસ્યાઓનો સામનો કરવા માંગુ છું, જેમાં પશુચિકિત્સા દવાઓના વધતા ભાવ, પર્યાપ્ત વીમા કવરેજનો અભાવ અને સારી ગુણવત્તાવાળા પશુ આહાર મેળવવામાં મુશ્કેલીઓનો સમાવેશ થાય છે.

કેરળની એક ડેરીની પ્રિયંકા ગાંધીએ લીધી હતી મુલાકાત 

વિડિઓમાં પ્રિયંકા ગાંધી વાડ્રા ખેડૂતો સાથે વાત કરતા અને તેમની ટિપ્પણીઓ અને પ્રતિભાવો લખતા જોવા મળે છે. તેમની પોસ્ટના અંતે તેમણે ખેડૂતોનો આભાર માન્યો અને તેમને તેમના સમર્થનની ખાતરી આપી. તેમણે આગળ લખ્યું કે હું તે બધા ખેડૂતોનો આભાર વ્યક્ત કરું છું જેમણે મને આ મુદ્દાઓ સમજાવવા માટે સમય કાઢ્યો. હું ખેડૂતોને શક્ય તેટલી બધી સહાય પૂરી પાડીશ.