રાજા રઘુવંશી હત્યા કેસ ખુબ ચર્ચામાં રહ્યો હતો. આ કેસમાં એક પછી એક સતત નવા નવા ખુલાસાઓ થઇ રહ્યા છે. એક તરફ, રાજા રઘુવંશીની હત્યાનું સાચું કારણ બહાર આવ્યું નથી, તો બીજી તરફ, સોનમના પ્રેમી રાજનો એક ચોંકાવનારો વીડિયો સામે આવ્યો છે. વીડિયોમાં જોઈ શકાય છે કે રાજ પોતે રાજાના અંતિમ સંસ્કાર માટે કફન લઈને પહોંચ્યો હતો.
રાજાની માતાએ કહ્યું કે મેં વીડિયોમાં જોયું કે તે રાજ હતો. જે હાથથી તે કાવતરું લખી રહ્યો હતો તે જ હાથથી તે રાજા માટે સફેદ કફન લાવ્યો હતો. મને ત્યારે ખબર નહોતી, નહીંતર હું તેને મારી દેત અને પૂછત કે રાજાને મારી નાખવાની તારી હિંમત કેવી રીતે થઈ. રાજાએ તારૂ શું બગાડ્યુ હતુ મને જવાબ આપ.
રાજાની માતાએ જ્યોતિષી પર ઉઠાવ્યા સવાલ
રાજાની માતાએ સોનમના પરિવારે જે જિયોતિષીને કુંડળી બતાવી હતી તેને ફોન કરીને કહ્યુ કે તમે તો બધુ જાણતા હતા આવુ કેમ થવા દીધુ. જો તેમણે કહ્યુ હોત તો આવી આફત ન આવી હોત. જો કોઈ કુંડળીમાં દોષ હોત અથવા કોઈ ઉકેલ હતો તો તેણે તેમને કેમ ન કહ્યું? શું તેણે પરિવારના સભ્યોને કહ્યું? જો તેણે કહ્યું હોત તો આપણે પણ ઉકેલ લાવી શક્યા હોત.
સોનમ અને રાજને ન્યાયિક કસ્ટડીમાં મોકલવામાં આવ્યા
સોનમ અને રાજને આજે કોર્ટમાં રજૂ કરવામાં આવ્યા હતા. કોર્ટે બંનેને 14 દિવસ માટે ન્યાયિક કસ્ટડીમાં મોકલી દીધા છે. આ અંગે રાજા રઘુવંશીના ભાઈએ નારાજગી વ્યક્ત કરી છે કે પોલીસે તેમને રિમાન્ડ પર કેમ ન લીધા. અમે નાર્કો ટેસ્ટની માંગણી કરતા ભિખારી બની ગયા છીએ પરંતુ અમારી માંગણી સ્વીકારવામાં આવી રહી નથી. આટલા દિવસોમાં, હજુ પણ એ સ્પષ્ટ નથી થયું કે મારા ભાઈની હત્યા કેમ કરવામાં આવી?
