Raja Raghuvanshi case : મેઘાલય પોલીસે બીજુ હથિયાર જપ્ત કર્યુ

શિલોંગ પોલીસે રાજા રઘુવંશી હત્યા કેસમાં બીજું હથિયાર જપ્ત કર્યું છે. ક્રાઇમ સીન રિક્રિએશન દરમિયાન, આ હથિયાર તે ખાડા પાસે મળી આવ્યું હતું જ્યાં હત્યા પછી રાજાનો મૃતદેહ ફેંકવામાં આવ્યો હતો. પોલીસના જણાવ્યા અનુસાર, હત્યામાં બે 'ડા' એટલે કે તીક્ષ્ણ હથિયારોનો ઉપયોગ કરવામાં આવ્યો હતો.

ક્રાઇમ સીન રિક્રિએશન દરમિયાન સોનમ રઘુવંશીએ કબૂલાત કરી હતી

શિલોંગ એસપી વિવેક શ્યામે જણાવ્યું હતું કે 23 મેના રોજ સોહરામાં વેઇસાડોંગ ફોલ્સ નજીક રાજાની હત્યામાં એક નહીં પણ બે ડાઓ (તીક્ષ્ણ હથિયારો)નો ઉપયોગ કરવામાં આવ્યો હતો. બંને ડાઓ (તીક્ષ્ણ હથિયારો) મળી આવ્યા છે. બંને ડાઓ એ જ ખાડામાં ફેંકવામાં આવ્યા હતા જ્યાં રાજાનો મૃતદેહ ફેંકવામાં આવ્યો હતો.

પોલીસ એક પ્રવાસીનું નિવેદન પણ નોંધવા જઈ રહી છે

ક્રાઇમ સીન રિક્રિએશન દરમિયાન સોનમ રઘુવંશીએ કબૂલાત કરી હતી કે હત્યા સમયે તે ઘટનાસ્થળે હાજર હતી. તેણે હત્યારાઓને પાર્કિંગમાં જ રાજાને મારવાનો સંકેત આપ્યો હતો. જ્યારે પહેલા હુમલા પછી રાજાનું લોહી વહેવા લાગ્યુ, ત્યારે સોનમ ચીસો પાડતી પાછળ હટી ગઈ. ત્રણેય હત્યારાઓએ મળીને રાજાનો મૃતદેહ ખાડામાં ફેંકી દીધો.

પોલીસ એક પ્રવાસીનું નિવેદન પણ નોંધવા જઈ રહી છે. હકીકતમાં, હરિયાણાના સોનીપતના રહેવાસી યુટ્યુબર દેવેન્દ્ર સિંહે 23 મેના રોજ નોંગરિયાટ નજીક ડબલ ડેકર લિવિંગ રૂટ બ્રિજ પર ટ્રેકિંગ દરમિયાન એક વીડિયો શૂટ કર્યો હતો, જેમાં સોનમ રઘુવંશી, રાજા રઘુવંશી અને ત્રણ આરોપી આકાશ, આનંદ અને વિશાલ અજાણતામાં કેદ થઈ ગયા હતા.

દેવેન્દ્રએ જણાવ્યું કે તે તેની પત્ની સાથે એક વીડિયો શૂટ કરી રહ્યો હતો ત્યારે સવારે 9:25 વાગ્યે ત્રણેય આરોપીઓ અને સવારે 9:45 વાગ્યે રાજા અને સોનમ તેના કેમેરામાં રેકોર્ડ થયા. શિલોંગ એસપીએ કહ્યું કે આ વીડિયો ફૂટેજ કેસને જોડવા માટે એક મહત્વપૂર્ણ કડી છે.