India News: ED એ આ કારણે મેટા અને ગૂગલના અધિકારીઓને સમન્સ મોકલ્યું

ઓનલાઇન સટ્ટાબાજીને લઇને સરકાર કડક પગલાં લઇ રહી છે. મેટા અને ગૂગલના અધિકારીઓને ED એ નવું એક સમન્સ મોકલ્યુ છે. મહત્વનું છે કે 21 જુલાઇએ એટલે કે આજે મેટા અને ગૂગલને EDની સમક્ષ હાજર થવાનું હતું. પરંતુ કોઇ કારણસર તેઓ હાજર થયા નહીં અને તેના કારણે જ તેમને નવું સમન્સ મોકલવામાં આવ્યું છે.

મેટા અને ગૂગલ પર કેમ સંકજો કસાયો

મીડિયા રિપોર્ટસ પ્રમાણે ED એ મેટા અને ગૂગલના અધિકારીઓને દિલ્લી મુખ્યાલય પર 21 જુલાઇએ હાજર થવા કહ્યું હતું. પરંતુ તેઓ  ED સમક્ષ હાજર ન થયા. હવે પ્રશ્ન એ ઉભો થતો હશે કે આખરે સટ્ટાબાજીમાં મેટા અને ગૂગલ જેવી મોટી કંપનીઓ કેવી રીતે ફસાઇ? મળતી માહિતી પ્રમાણે મેટા અને ગૂગલ બંને કંપનીઓ એડ દ્વારા સટ્ટાબાજીનું પ્રમોશન કરતી હતી અને આજ કારણ છે કે બંને મોટી કંપનીઓ ઇડીના નિશાના પર આવી અને તેના અધિકારીઓને આજે નવું સમન્સ મોકલવામાં આવ્યું છે. એટલે કે હવે તેઓને 28 જુલાઇએ ઇડીની સમક્ષ હાજર થવાનું છે.

28 જુલાઇએ ED સમક્ષ થશે હાજર

મહત્વનું છે કે સટ્ટાબાજી સાથે સંકળાયેલી જાહેરાતને લઇને સરકાર સહેજ પણ પાછીપાની કરતી નથી. આ પહેલાં પણ અનેક વખત સરકાર એડવાયઝરી જાહેર કરી ચૂકી છે. પરંતુ ઘણાં રિપોર્ટ્સમાં દાવો કરવામાં આવ્યો છે કે આ કંપનીઓએ સરકાર દ્વારા જે એડવાયઝરી જાહેર કરી છે તેની અવગણના કરીને ઓનલાઇન સટ્ટાબાજીને પ્રમોટ કરી રહ્યા છે. મેટા અને ગૂગલની કમાણીનું આકંલન કરવું કે વિચારવું એ અશક્ય છે. ત્યારે સરકારની એડવાયઝરીની અવગણના બાદ હવે ED એ જાણકારી મેળવવામાં જોતરાઇ ગઇ છે કે મેટા અને ગૂગલ સટ્ટાબાજી સાથે જોડાયેલાં પ્લેટફોર્મ પરથી કેટલી કમાણી કરે છે. આ મામલે હાલ બંને તરફથી કોઇ પણ પ્રકારની માહિતી કે નિવેદન સામે નથી આવ્યું પણ 28 જુલાઇએ ED સમક્ષ હાજર થવા પર કદાચ બંને કંપનીઓ ચુપ્પી તોડી શકે છે.