West Bengal Rain News: મૂશળધાર વરસાદ અને ભારે પવનના કારણે ભૂસ્ખલન, જન જીવન ખોરવાયું

પશ્ચિમ બંગાળમાં સાંબેલાધાર વરસાદ પડી રહ્યો છે. જેના કારણે રસ્તાઓ પાણીમાં ગરકાવ થયા છે. અને પુલ તૂટી જતાં ગામ સંપર્ક વિહોણાં થાય છે.

સંપર્ક તૂટતા મદદ પહોંચાડવામાં મુશ્કેલી

પશ્ચિમ બંગાળ કુદરતના પ્રકોપનો સામનો કરી રહ્યું છે. ભારે વરસાદને કારણે પર્વતીય નદીઓ છલકાઈ ગઈ છે. રાષ્ટ્રીય ધોરીમાર્ગો પર ભૂસ્ખલન થયું છે. પુલ તૂટી પડ્યા છે અને રસ્તાઓને નુકસાન થયું છે. મિરિકમાં નવ અને સુખિયામાં ચાર લોકોના મોત થયા છે. દાર્જિલિંગમાં અચાનક ભૂસ્ખલનમાં નવ લોકોના મોત થયા છે. મિરિક અને કુર્સિઓંગને જોડતો ઐતિહાસિક ડુડિયા આયર્ન બ્રિજ પણ તૂટી પડ્યો છે. સિલિગુડી-દાર્જિલિંગ રાજ્ય ધોરીમાર્ગ 12 પર વાહનવ્યવહાર સંપૂર્ણપણે ઠપ્પ થઈ ગયો છે.

રસ્તાઓ તૂટતા મદદમાં અવરોધ

સુખિયામાં પણ ચાર લોકોના મોત થયા છે. સ્થાનિક વહીવટીતંત્ર અને આપત્તિ વ્યવસ્થાપન ટીમોએ રાહત અને બચાવ કામગીરી શરૂ કરી છે. જોકે, સતત વરસાદ અને લપસણા રસ્તાઓ રાહત પ્રયાસોમાં મોટો અવરોધ ઉભો કરી રહ્યા છે. દક્ષિણ બંગાળમાં દુર્ગા પૂજા પહેલા ભારે વરસાદ પડ્યો હતો. આ વખતે, ઉત્તર બંગાળ પણ કુદરતના પ્રકોપનો સામનો કરી રહ્યું છે. ઘણા જિલ્લાઓમાં ભારેથી અતિ ભારે વરસાદની આગાહી છે. પહાડી જિલ્લાઓમાં સૌથી વધુ વરસાદ પડી રહ્યો છે. તિસ્તા, તોરસા, રાયદક અને જલઢાકા નદીઓમાં પાણીનું સ્તર ખતરાના નિશાનથી ઉપર વહી રહ્યું છે. સિલિગુડી અને મિરિક વચ્ચેનો સીધો સંપર્ક ખોરવાઈ ગયો છે.

રાષ્ટ્રીય ધોરીમાર્ગ પર ભૂસ્ખલન થયું છે. પુલ તૂટી પડ્યા છે અને રસ્તાઓ નાશ પામ્યા છે. મિરિકમાંથી મૃત્યુના અહેવાલો આવી રહ્યા છે. મિરિકમાં નવ અને સુખિયામાં ચાર લોકોના મોત થયા છે. આ દુર્ઘટનામાં કુલ 13 લોકોના મોત થયા છે. મિરિકમાંથી સાત મૃતદેહ મળી આવ્યા છે. બનાવસી, ગોયરકાટા અને નાગરકાટા જેવા વિસ્તારોમાં ભૂસ્ખલન થયું છે. પરિણામે, પહાડી ઘરો અને નદી કિનારે રહેતા ઘરોમાંથી લોકોને શક્ય તેટલી વહેલી તકે બહાર કાઢવાના પ્રયાસો ચાલી રહ્યા છે.

પીએમ મોદીએ શોક વ્યક્ત કર્યો

પીએમ મોદીએ દાર્જિલિંગમાં પુલ તૂટી પડવાથી જીવ ગુમાવનારાઓ પ્રત્યે સંવેદના વ્યક્ત કરી છે. પીએમ મોદીએ કહ્યું છે કે, દાર્જિલિંગમાં પુલ તૂટી પડવાથી થયેલા જાનમાલના નુકસાનથી હું ખૂબ જ દુઃખી છું. જેમણે પોતાના પ્રિયજનો ગુમાવ્યા છે તેમના પ્રત્યે મારી સંવેદના. હું ઘાયલોના ઝડપી સ્વસ્થ થવાની કામના કરું છું. ભારે વરસાદ અને ભૂસ્ખલનને પગલે દાર્જિલિંગ અને આસપાસના વિસ્તારોમાં પરિસ્થિતિ પર નજીકથી નજર રાખવામાં આવી રહી છે. અમે અસરગ્રસ્તોને શક્ય તમામ સહાય પૂરી પાડવા માટે પ્રતિબદ્ધ છીએ.