PM Modi Files Nomination: કોણ છે ગણેશ્વર શાસ્ત્રી,જેઓ PMમોદી સાથે જોવા મળ્યા

• PM મોદીએ આજે વારાણસીથી ભર્યુ ઉમેદવારી ફોર્મ
  
• ગણેશ્વર શાસ્ત્રી સહિત 4 પ્રસ્તાવકો રહ્યા હાજર
• પીએમ મોદીની બાજુમાં બેઠા હતા ગણેશ શાસ્ત્રી

લોકસભાની ચૂંટણીને લઇને 4 તબક્કામાં મતદાન પૂર્ણ થયું. ત્યારબાદ હવે 20મે,25મે અને પછી 1મેના રોજ મતદાન થશે. વારાણસીમાં 1 જૂને મતદાન થવાનું છે. ત્યારે પીએમ મોદીએ આજે ઉમેદવારી ફોર્મ ભર્યુ હતું. પીએમ મોદીની સાથે ગણેશ્વર શાસ્ત્રી સહિત 4 પ્રસ્તાવકો હાજર હતા. ત્યારે પીએમ મોદીની બાજુમાં જ બેઠેલા વ્યક્તિ હતા ગણેશ્વર શાસ્ત્રી. આવો જાણીએ તે કોણ છે.

રામમંદિરનો સૂચવ્યો હતો સમય

ગણેશ્વર શાસ્ત્રીએ જ્યોતિષાચાર્ય છે. અગાઉ અયોધ્યા રામ મંદિરના અભિષેક માટે શુભ સમય તેમણે જ નક્કી કર્યો હતો. એવું કહેવામાં આવી રહ્યું છે કે ગણેશ્વર શાસ્ત્રી દ્રવિડે જ PM મોદીની ઉમેદવારી પત્રક ભરવાનો સમય તેમણે જ સૂચવ્યો હતો. આ ઉપરાંત રામ મંદિર નિર્માણ માટે ભૂમિપૂજનનો શુભ સમય પણ તેમણે સૂચવ્યો હતો.

જ્યોતિષની દુનિયામાં જાણીતું નામ

 જ્યોતિષની દુનિયામાં સૌથી વધુ ભરોસાપાત્ર નામ ગણેશ્વર શાસ્ત્રી દ્રવિડનું છે. તેઓને જગદગુરુ રામાનંદાચાર્ય પુરસ્કારથી સન્માનિત કરવામાં આવ્યા છે. ગણેશ્વર શાસ્ત્રીનો પરિવાર લાંબા સમયથી કાશીમાં રહે છે. એવું કહેવાય છે કે ગણેશ્વર શાસ્ત્રી દ્રવિડ મૂળ દક્ષિણ ભારતમાંથી કાશી આવ્યા હતા. હાલમાં તે કાશીના રામઘાટ વિસ્તારમાં ગંગાના કિનારે રહે છે. તેમના ભાઈ પંડિત વિશ્વેશ્વર શાસ્ત્રી પણ ગણેશ્વર શાસ્ત્રી સાથે રહે છે. તેઓ એક મહાન વિદ્વાન પણ છે. ગણેશ્વર શાસ્ત્રી ગ્રહો, નક્ષત્રો અને ચૌગદીઓના મહાન નિષ્ણાતોમાંના એક છે. ગણેશ્વર શાસ્ત્રી મહત્વની ક્ષણોમાં લોકોને ધાર્મિક દુવિધાઓમાંથી બહાર કાઢવામાં નિપુણતા ધરાવે છે. ગણેશ્વર શાસ્ત્રી એક શાળા ચલાવે છે, જ્યાં તેઓ બાળકોને આચાર્ય બનવા અને ધાર્મિક વિધિઓ કરવાનું શીખવે છે.

ઋષિ મુનિઓની જેમ જીવે છે જીવન

આચાર્ય ગણેશ્વર શાસ્ત્રીનો જન્મ 9 ડિસેમ્બર 1958ના રોજ કાશીના રામનગરમાં થયો હતો. તેઓ રામઘાટ સ્થિત સંગવેદ વિદ્યાલય ચલાવે છે. આચાર્ય શાસ્ત્રીના પિતા રાજરાજેશ્વર શાસ્ત્રી દ્રવિડને પંડિતરાજનું બિરુદ મળ્યું હતું. તેમને ભારત સરકાર દ્વારા દેશના મુખ્ય નાગરિક સન્માન પદ્મ ભૂષણથી પણ સન્માનિત કરવામાં આવ્યા હતા. આચાર્ય ગણેશ્વર શાસ્ત્રી ખુલ્લા પગ રાખીને યમ નિયમનું પાલન કરીને ઋષિ મુનિઓ જેવુ જીવન જીવે છે. તેઓ માત્ર ધોતી પહેરે છે. મહત્વનું છે કે પીએમ મોીદીએ ગંગા સપ્તમીના દિવસે પુષ્ય નક્ષત્રમાં ઉમેદવારી પત્ર ભર્યું છે.