ચૂંટણીને લઇ તેલંગાણામાં ભાજપની તૈયારી તેજ, પ્રભારીઓની કરી જાહેરાત,આ નેતાઓને સોંપાઇ જવાબદારી

• આગામી લોકસભા ચૂંટણી 2024ને લઇ ભાજપ તૈયાર
  
• તેલંગાણા પ્રદેશ ભાજપ પ્રમુખ જી. કિશન રેડ્ડીએ કરી જાહેરાત
• ભાજપે 17 લોકસભા મતવિસ્તારોના પ્રભારીઓને ઉતાર્યા મેદાનમાં

આગામી લોકસભા ચૂંટણી 2024ને લઇ ભાજપે તડામાર તૈયારી તેજ કરી છે. તેલંગાણામાં ભાજપે આગામી ચૂંટણી માટે તમામ 17 લોકસભા મતવિસ્તારોના પ્રભારીઓની જાહેરાત કરી છે.

લોકસભા ચૂંટણીને તેલંગાણામાં ભાજપે 17 લોકસભા મતવિસ્તારોના પ્રભારીઓની જાહેરાત કરી છે. પ્રદેશ ભાજપ પ્રમુખ જી. કિશન રેડ્ડીએ સોમવારે તમામ મતવિસ્તારો માટે લોકસભાના રાજકીય પ્રભારીઓની નિમણૂક કરી હતી. પ્રભારી બનાવનારાઓમાં પાર્ટીના તમામ 8 નવા ચૂંટાયેલા ધારાસભ્યો અને એક રાજ્યસભા સાંસદનો સમાવેશ થાય છે. રાજ્યસભાના સભ્ય કે. લક્ષ્મણને સિકંદરાબાદ લોકસભા મતવિસ્તારના પ્રભારી તરીકે નિયુક્ત કરવામાં આવ્યા છે, જેનું પ્રતિનિધિત્વ કિશન રેડ્ડી કરે છે, જેઓ કેન્દ્રમાં મંત્રી પણ છે. આ ઉપરાંત ટી. રાજા સિંહને હૈદરાબાદ મતવિસ્તારના પ્રભારી તરીકે નિયુક્ત કર્યા છે, જેનું પ્રતિનિધિત્વ AIMIM પ્રમુખ અસદુદ્દીન ઓવૈસી કરે છે. 2019ની ચૂંટણીમાં ભાજપે 4 લોકસભા બેઠકો જીતી હતી. તેઓ સિકંદરાબાદ, નિઝામાબાદ, કરીમનગર અને આદિલાબાદ છે.

ધારાસભ્ય ઈલેટી મહેશ્વર રેડ્ડી નિઝામાબાદના પ્રભારી રહેશે

ધારાસભ્ય ઈલેટી મહેશ્વર રેડ્ડી નિઝામાબાદના પ્રભારી હશે, જ્યારે અન્ય ધારાસભ્ય ડી. સૂર્યનારાયણ ગુપ્તાને કરીમનગરની જવાબદારી સોંપવામાં આવી છે. આદિલાબાદના ધારાસભ્ય પાયલ શંકર આદિલાબાદ લોકસભા મતવિસ્તારનું ધ્યાન રાખશે. પૂર્વ મંત્રી મેરી શશિધર રેડ્ડી વારંગલના પ્રભારી છે, જ્યારે પૂર્વ MLC પોંગુલેટી સુધાકર રેડ્ડીને ખમ્મમ મતવિસ્તારની જવાબદારી સોંપવામાં આવી છે.

પૂર્વ MLC એન. રામચંદર રાવ મહબૂબનગરની સંભાળ લેશે

વરિષ્ઠ નેતા અને ભૂતપૂર્વ MLC એન. રામચંદર રાવ મહબૂબનગરની સંભાળ લેશે. અન્ય પ્રભારીઓ રામારાવ પવાર (પેદ્દાપલ્લી), કે. વેંકટ રમન રેડ્ડી (ઝહીરાબાદ). પી. હરીશ બાબુ (મેડક), પી. રાકેશ રેડ્ડી (મલકાજગીરી), તમામ ધારાસભ્યો, એમએલસી એ. વેંકટ નારાયણ રેડ્ડી (ચેવેલા), ભૂતપૂર્વ એમએલસી એમ. રંગા રેડ્ડી (નાગરકુર્નૂલ), ભૂતપૂર્વ ધારાસભ્ય ચિંતલા રામચંદ્ર રેડ્ડી (નાલગોડા), ભૂતપૂર્વ ધારાસભ્ય એનવીએસએસ પ્રભાકર (ભોંગીર) અને ભૂતપૂર્વ સાંસદ જી. મોહન રાવ (મહાબુબાબાદ).