Rajasthan: ચિત્તોડગઢમાં ગમખ્વાર અકસ્માત, ટ્રકે બાઇકને ટક્કર મારતા 5ના મોત

• ચિત્તોડગઢમાં મોડી રાતે ગમખ્વાર અકસ્માત
  
• બાઇકને ટ્રકે ટક્કર મારતા 5 લોકોના મોત
• એક વર્ષની બાળક હાલ સારવાર હેઠળ

રાજસ્થાનના ચિત્તોડગઢ જિલ્લામાં મંગળવારે મોડી રાત્રે એક ભયાનક માર્ગ અકસ્માત સર્જાયો હતો. આ અકસ્માતમાં દંપતી અને તેમની સગીર પુત્રી સહિત પાંચ લોકોના મોત થયા . પોલીસે જણાવ્યું કે ચિત્તોડગઢ-નિમ્બહેરા હાઈવે પર થયેલા અકસ્માતમાં એક વર્ષની બાળકી ઘાયલ થઈ છે.

બાઇક પર હતા 6 લોકો સવાર ?

પોલીસના જણાવ્યા અનુસાર આ અકસ્માત નિમ્બાહેડા સદર પોલીસ સ્ટેશન વિસ્તારમાં ચિત્તોડગઢ-નિમ્બહેરા હાઈવે પર થયો હતો. ટ્રકે મોટરસાઈકલને ટક્કર મારી હતી. બાઇક પર છ લોકો સવાર હતા. જેમાંથી બે તો કારખાનામાં શ્રમિક હતા . તેઓ કામ પરથી પરત ફરી રહ્યા હતા ત્યારે આ ઘટના બની હતી.

5 લોકોના મોત

પોલીસ સ્ટેશન ઓફિસર સંજય શર્માએ જણાવ્યું હતું કે ભવલિયા ગામ પાસે ગઈકાલે રાત્રે એક ભારે વાહને બાઇકને ટક્કર મારી હતી. તેમણે કહ્યું કે આ અકસ્માતમાં એક મહિલા અને આઠ વર્ષની બાળકી સહિત પાંચ લોકોના ઘટનાસ્થળે જ મોત થયા છે, જ્યારે એક વર્ષની બાળકી ઘાયલ થઈ છે.

બાળકીને સારવાર હેઠળ

તેમણે કહ્યું કે મૃતકોની ઓળખ 32 વર્ષીય રોશન, તેની પત્ની રામકન્યા (30) અને તેમની પુત્રી તારા (11) તરીકે થઈ છે. આ સિવાય અન્ય બે મૃતકોમાં દંપતીના સંબંધી અને મિત્રનો સમાવેશ થાય છે. રોશનની એક વર્ષની પુત્રી મહિમા અકસ્માતમાં બચી ગઈ હતી અને તેને હોસ્પિટલમાં લઈ જવામાં આવી હતી, જ્યાં તેની સારવાર ચાલી રહી હોવાનું જણાવ્યું હતું.