Ratan Tata: રતન ટાટાએ કહ્યું, તમારી મદદની જરૂર,જાણો કોના માટે માંગી મદદ?

• ઉદ્યોગપતિ રતન ટાટાનો પ્રાણી પ્રેમ છે જગજાહેર
  
• રતન ટાટાએ સોશિયલ મીડિયા પર માગી મદદ
• કહ્યું, મુંબઇમાં તમારી જરૂર છે

ઉદ્યોગપતિ રતન ટાટાનો પ્રાણીપ્રેમ જગજાહેર છે. તેમાં પણ ખાસ કરીને શ્વાનપ્રેમ વિશે આપણે સૌ કોઇ જાણીએ છીએ. ત્યારે રતન ટાટાએ સોશિયલ મીડિયા પર એક પોસ્ટ શેર કરીને મદદ માગી છે. તેમણે કહ્યું કે મને મુંબઇમાં તમારી જરૂર છે. સાથે જ એક શ્વાનનો ફોટો શેર કર્યો છે.

રતનટાટાનો શ્વાન પ્રેમ

રતન ટાટાએ મુંબઈમાં હોસ્પિટલમાં સારવાર લઈ રહેલા પાલતકૂતરાની તસવીર શેર કરી હતી. ઈન્સ્ટાગ્રામ પર આ પોસ્ટ શેર કરીને ટાટા ગ્રુપના પૂર્વ ચેરમેને લોકોને વિનંતી કરી છે કે તેઓ શ્વાન માટે રક્તદાતા શોધવામાં મદદ કરે. કહેવામાં આવી રહ્યું છે કે આ શ્વાન એનિમિયાથી પીડિત છે. તેમણે ઘાયલ શ્વાન અંગે બ્લડ ડોનર શોધી રહ્યા છે. આ અંગેની વધુ ડિટેલ્સ પણ શેર કરી છે.

તમારી મદદની પ્રશંસા કરીશ

તેમણે પોસ્ટ શેર કરતા લખ્યું કે આ 7 મહિનાના શ્વાનને હોસ્પિટલમાં લોહી ચઢાવવાની જરૂર છે. તેને શંકાસ્પદ તાવ અને જીવલેણ એનિમિયા સાથે દાખલ કરવામાં આવ્યો છે. અમારે મુંબઈમાં બહુ જલ્દી દાતાની જરૂર છે. સાથે જ કહ્યું કે હું તમારી મદદની ખરેખર પ્રશંસા કરીશ. તેમણે માહિતી આપી છે કે એનિમલ હોસ્પિટલના મેડિકલ સ્ટાફને 7 મહિનાના કૂતરા માટે લોહીની જરૂર છે. આ પોસ્ટ જ્યારથી શેર કરવામાં આવી છે ત્યારથી તે વાયરલ થઈ ગઈ છે અને તેને અત્યાર સુધીમાં લગભગ 5 લાખ લાઈક્સ મળી છે અને આંકડો ઝડપથી વધી રહ્યો છે. આ ઉપરાંત ઇન્ટરનેટ યુઝર્સ પણ તેને ઝડપથી શેર કરી રહ્યા છે.