Sikkim Assembly Election: 32માંથી 31બેઠક પર SKMની જીત,જાણો કોણ છે પ્રેમસિંહ તમાંગ?

• સિક્કિમમાં ફરી એકવાર સિક્કિમ ક્રાંતિકારી મોર્ચાની સત્તા
  
• પાર્ટીએ પ્રચંડ બહુમીતી હાંસલ કરી
• 32 બેઠકોમાંથી 31 બેઠકો પર મેળવી જીત

સિક્કિમ વિધાનસભા ચૂંટણી માટે મતગણતરી પૂરી થઈ ગઈ છે. સિક્કિમ ક્રાંતિકારી મોરચા (SKM), મુખ્ય પ્રધાન પ્રેમ સિંહ તમંગની આગેવાની હેઠળ, 32 વિધાનસભા બેઠકોમાંથી 31 બેઠકો જીતી હતી. સિક્કિમ ડેમોક્રેટિક ફ્રન્ટને 1 સીટ મળી છે.

2019માં 17 બેઠકો જીતી હતી

મુખ્યમંત્રી તમાંગ રેનોક અને સોરેંગ-ચાકુંગ વિધાનસભા બેઠકો પરથી ચૂંટણી લડી રહ્યા છે અને બંને બેઠકો પર આગળ ચાલી રહ્યા છે. તેમણે વિશ્વાસ વ્યક્ત કર્યો હતો કે સિક્કિમના મતદારો પાર્ટીને વધુ એક ટર્મ આપશે. તેમની પત્ની કૃષ્ણા કુમારી રાય નામચી-સિંઘથાંગ વિધાનસભા બેઠક પરથી ચૂંટણી લડી રહી છે. સિક્કિમ ક્રાંતિકારી મોરચા (SKM) ના પ્રમુખ પીએસ ગોલે ઉર્ફે પ્રેમ સિંહ તમાંગ 24 વર્ષથી વધુ સમય સુધી સત્તામાં રહ્યા બાદ રાજ્યમાં 17 બેઠકો મેળવીને 2019માં ચામલિંગ સરકારને સત્તા પરથી હટાવી દીધી હતી. આ વખતે તેઓ 32માંથી 31 બેઠકો જીત્યા.

કોણ છે પ્રેમસિંહ તમંગ?

પ્રેમ સિંહ તમાંગનો જન્મ 5 ફેબ્રુઆરી 1968ના રોજ થયો હતો. નેપાળી ભાષી માતા-પિતા કાલુ સિંહ તમાંગ અને ધન માયા તમાંગના પુત્ર છે.. તેણે દાર્જિલિંગની એક કોલેજમાંથી બીએ કર્યું અને સરકારી શાળામાં શિક્ષક તરીકે કામ કરવાનું શરૂ કર્યું. તમાંગે સામાજિક સેવા માટે ત્રણ વર્ષ સેવા કર્યા બાદ સરકારી નોકરી છોડી અને પછી SDFમાં જોડાયા.. ત્રણ દાયકાની તેમની રાજકીય સફર ઉતાર-ચઢાવથી ભરેલી રહી છે. તેઓ 1994 થી સતત પાંચ વખત સિક્કિમ વિધાનસભા માટે ચૂંટાયા હતા. તેમણે 2009 સુધી SDF સરકારમાં મંત્રી તરીકે સેવા આપી હતી.

SDF સરકારના ચોથા કાર્યકાળ દરમિયાન (2009-14), ચામલિંગે તેમને મંત્રી પદ આપવાનો ઇનકાર કર્યો હતો. આ પછી તમાંગે પાર્ટી છોડી દીધી અને પોતાની પાર્ટી બનાવી. તેમણે SDFના તમામ પદો પરથી રાજીનામું આપ્યું અને SKM ચીફ તરીકેનો કાર્યભાર સંભાળ્યો.