Sikkim Flood: સિક્કિમમાં ભારે વરસાદે તબાહી મચાવી, 2ના મોત, 8 ગુમ

• સિક્કિમમાં ભારે વરસાદે મચાવી તબાહી
  
• ભારે વરસાદને કારણે જનજીવન પ્રભાવિત
• 2 લોકોના મોત થયા હોવાનું આવ્યું સામે

એક તરફ કાળઝાળ ગરમી તો બીજી તરફ વરસાદ કહેર વર્તાવી રહ્યો છે. સિક્કિમમાં તો ભારે વરસાદથી તબાહી મચી ગઇ છે. રાજ્યમાં સતત વરસાદ થતા ભૂસ્ખલન થવાથી જનજીવન પ્રભાવિત થયુ છે. અચાનક આવેલા પુરને કારણે બે લોકોના મોત થયા છે જ્યારે અનેક લોકોની શોધખોળ ચાલી રહી છે. ત્યારે આવો જાણીએ વરસાદને લઇને કેવી કરવામાં આવી રહી છે બચાવની કામગીરી.

2ના મોત

અધિકારીએ જણાવ્યું કે બે લોકોના મોત થયા છે. કેટલાક ઘાયલોને હોસ્પિટલમાં દાખલ કરવામાં આવ્યા છે. લગભગ 7 થી 8 લોકો હજુ પણ ગુમ છે અને તેમની શોધ ચાલી રહી છે. અનેક મકાનોને પણ નુકસાન થયું છે. રાજ્યની આપત્તિ વ્યવસ્થાપન ટીમો પોલીસકર્મીઓ અને સ્થાનિક લોકોની મદદથી સ્થળ પર બચાવ કામગીરી કરી રહી છે. આ મામલે જાણકારી આપતા અધિકારીઓએ નામચી જિલ્લામાં યાંગંગ વિસ્તારમાં ભારે વરસાદે કહેર મચાવ્યો છે. હાલ રાહત અને બચાવ કાર્ય ચાલી રહ્યુ છે.

મુંબઇમાં વરસાદને કારણે સ્લેબ ધરાશાયી

મહત્વનું છે કે ગઇકાલે રાત્રે મુંબઇમાં પણ ભારે વરસાદને કારણે એક મકાનનો ભાગ ધરાશાયી થતા પિતા પુત્રનું મોત થયુ હતું. જો કે આ માહિતી અધિકારીએ આજે સવારે આપી હતી. BMC ડિઝાસ્ટર કંટ્રોલના જણાવ્યા અનુસાર રવિવારે રાત્રે લગભગ 11.15 વાગ્યે એક નિર્માણાધીન પાંચ માળની ઈમારતમાં એક માળનો સ્લેબ ધરાશાયી થયો હતો. સ્થાનિકોએ સ્થળ પરથી બે લોકોને બચાવ્યા અને બચાવ ટીમ આવે તે પહેલા તેમને ખાનગી વાહનમાં BMCની રાજાવાડી હોસ્પિટલમાં લઈ ગયા હતા.