Sunita Williams: '1.4 બિલિયન ભારતીયોને તમારા પર ગર્વ' PM Modiએ લખ્યો પત્ર

સુનિતા વિલિયમ્સ ધરતી પર પરત ફરવાના છે. સૌ દેશવાસીઓ આતુરતાથી તેમની રાહ જોઇ રહ્યા છે. 9 મહિના સુધી અંતરિક્ષમાં રહેનારા સુનિતા વિલિયમ્સ સાથી મેમ્બર સાથે આજે પરત ફરશે. ત્યારે પીએમ મોદીએ પણ સુનિતા વિલિયમ્સની પરત ફરવાની ખુશી વ્યક્ત કરીને એક પત્ર લખ્યો છે. તેમણે પત્રમાં સુનિતા વિલિયમ્સને શુભકામનાઓ પાઠવી હતી. આ સાથે તેમણે કહ્યું કે ભારતની દીકરીનું સ્વાગત કરવાનો આનંદ થશે.

પીએમ મોદીએ અભિનંદન પાઠવ્યા

પીએમ મોદીએ પોતાના પત્રમાં લખ્યું છે કે હું ભારતના લોકો વતી તમને શુભકામનાઓ પાઠવું છું. હું એક કાર્યક્રમમાં પ્રખ્યાત અવકાશયાત્રી માઇક મેસિમિનોને મળ્યો. અમારી વાતચીત દરમિયાન તમારું નામ આવ્યું અને અમે ચર્ચા કરી કે અમને તમારા અને તમારા કાર્ય પર કેટલો ગર્વ છે. આ વાતચીત પછી, હું તમને પત્ર લખતા રોકી શક્યો નહીં. જ્યારે પણ હું મારી યુનાઇટેડ સ્ટેટ્સની મુલાકાતો દરમિયાન રાષ્ટ્રપતિ ટ્રમ્પ કે રાષ્ટ્રપતિ બિડેનને મળ્યો, ત્યારે મેં તમારા સુખાકારી વિશે પૂછપરછ કરી. 1.4 અબજ ભારતીયો હંમેશા તમારી સિદ્ધિઓ પર ખૂબ ગર્વ અનુભવે છે. 

'સારા સ્વાસ્થ્યની ઇચ્છા રાખનારા ભારતીયો'

પીએમ મોદીએ આગળ લખ્યું ભલે તમે હજારો માઇલ દૂર છો, તમે અમારા હૃદયની નજીક છો. ભારતના લોકો તમારા સારા સ્વાસ્થ્ય અને તમારા મિશનમાં સફળતા માટે પ્રાર્થના કરી રહ્યા છે. બોની પંડ્યા તમારા પાછા ફરવાની આતુરતાથી રાહ જોશે અને મને ખાતરી છે કે સ્વર્ગસ્થ દીપકભાઈના આશીર્વાદ પણ તમારી સાથે રહેશે. 2016માં મારી યુનાઇટેડ સ્ટેટ્સની મુલાકાત દરમિયાન તેમને મળવાનું થયુ હતુ તે મને યાદ આવે છે. તમારા પાછા ફર્યા પછી, અમે તમને ભારતમાં મળવા માટે આતુર છીએ. ભારતની શાનદાર દિકરીઓમાંથી એક દીકરીનું સ્વાગત કરવાનો આનંદ આવશે. હું માઈકલ વિલિયમ્સને મારી હૃદયપૂર્વક શુભેચ્છાઓ પાઠવું છું. તમને અને બેરી વિલ્મોરને સુરક્ષિત વાપસી માટે શુભકામનાઓ.