Swati Maliwal: DCW બંધ કરવા માગે છે દિલ્હી સરકાર,સ્વાતિનો કેજરીવાલ પર આરોપ

• આપ પાર્ટીના રાજ્યસભાના સાંસદના કેજરીવાલ પર પ્રહાર
  
• સ્વાતિમાલિવાલે કેજરીવાલ પર લગાવ્યો આરોપ
• મહિલા આયોગન બંધ કરાવવા અડગ હોવાનો લગાવ્યો આરોપ

સ્વાતિ માલીવાલે મંગળવારે દિલ્હી સરકાર પર DCW બંધ કરવાનું ષડયંત્ર રચવાનો આરોપ લગાવ્યો હતો. સ્વાતિ માલીવાલે કહ્યું કે દિલ્હી સરકાર મહિલા આયોગને બંધ કરવા પર અડગ છે અને તેણે 181 મહિલા હેલ્પલાઈન પણ બંધ કરી દીધી છે.

DCW બંધ કરવા પર અડગ

સ્વાતિ માલીવાલે કહ્યું કે આઠ વર્ષમાં દિલ્હી મહિલા આયોગે મહિલાઓ સાથે સંબંધિત 1,70,000 કેસોની સુનાવણી કરી, પરંતુ તેમના રાજીનામા બાદ દિલ્હી સરકાર આ સંસ્થાને બંધ કરવા માંગે છે. તેમણે કહ્યું કે દિલ્હી સરકાર DCW બંધ કરવા પર અડગ છે અને છેલ્લા છ મહિનામાં DCWને એક રૂપિયો પણ આપ્યો નથી. અમે એ પણ જોઈ રહ્યા છીએ કે દિલ્હી સરકારે આ વર્ષે DCW ના બજેટમાં 30% ઘટાડો કર્યો છે.

છ મહિનાથી DCW ચીફનું પદ ખાલી

તેમણે વધુમાં કહ્યું કે DCW ચીફનું પદ છેલ્લા છ મહિનાથી ખાલી છે. આ ઉપરાંત અન્ય બે જગ્યાઓ પણ ખાલી છે. દિલ્હી સરકારે 181 હેલ્પલાઈન બંધ કરી દીધી છે. સ્વાતિ માલીવાલે કહ્યું કે તે દુર્ભાગ્યપૂર્ણ છે કે જે શહેરને દુનિયાની રેપ કેપિટલ કહેવાય છે ત્યાં 181 હેલ્પલાઇન બંધ કરી દેવામાં આવી છે.