UPના હાથરસમાં ટ્રેક્ટર -ડમ્પર વચ્ચે અકસ્માત, 5 શ્રદ્ધાળુઓના મોત

• આ અકસ્માતમાં એક ડઝનથી વધુ લોકો ઘાયલ થયા
  
• સારવાર માટે સાદાબાદની જિલ્લા હોસ્પિટલ ખસેડાયા
• ટ્રેક્ટર ટ્રોલી અને ડમ્પર વચ્ચે થયેલી અથડામણમાં પાંચ લોકોના મોત

ઉત્તર પ્રદેશના હાથરસમાં ટ્રેક્ટર ટ્રોલી અને ડમ્પર વચ્ચે જોરદાર ટક્કર થઈ છે. આ અકસ્માતમાં પાંચ લોકોના સ્થળ પર જ કરૂણ મોત થયા હતા જ્યારે એક ડઝનથી વધુ લોકો ઘાયલ હોવાનું કહેવાય છે. ઘાયલોને નજીકની હોસ્પિટલમાં દાખલ કરવામાં આવ્યા છે.

યુપીના હાથરસમાં ભયાનક માર્ગ અકસ્માત, 5 લોકોના મોત

યુપીના હાથરસ જિલ્લાના સાહપાઉ પોલીસ સ્ટેશન વિસ્તારમાં ગઈકાલે રાત્રે ટ્રેક્ટર ટ્રોલી અને ડમ્પર વચ્ચે થયેલી અથડામણમાં પાંચ લોકોના મોત થયા છે. માર્યા ગયેલા પાંચેય લોકો ટ્રેક્ટર ટ્રોલીમાં મુસાફરી કરી રહ્યા હતા. આ અકસ્માતમાં એક ડઝનથી વધુ લોકો ઘાયલ થયા છે, જેમને સારવાર માટે સાદાબાદની જિલ્લા હોસ્પિટલ અને સામુદાયિક આરોગ્ય કેન્દ્રમાં દાખલ કરવામાં આવ્યા છે.

ટ્રોલી સવારો ગોવર્ધન પરિક્રમા કરવા જઈ રહ્યા હતા

વાસ્તવમાં ટ્રેક્ટર ટ્રોલી પર સવાર લોકો જાલેસરથી ગોવર્ધન પરિક્રમા કરવા જઈ રહ્યા હતા. આ અકસ્માત સાદાબાદ રોડ પર થયો હતો. કેટલાક ઘાયલોને આગ્રા અને કેટલાકને અલીગઢ રીફર કરવાની પણ માહિતી છે. અકસ્માતમાં મૃત્યુ પામેલા લોકોના નામ વિક્રમ, માધુરી, હેમલતા, લક્ષ્મી અને અભિષેક જણાવવામાં આવી રહ્યા છે. માર્યા ગયેલા તમામ લોકો સગા-સંબંધી હતા.

પોલીસ અધિક્ષકે માહિતી આપી હતી

પોલીસ અધિક્ષક દેવેશ કુમાર પાંડેએ સૂચના આપી છે કે પોલીસકર્મીઓ ઘાયલોની સારવાર માટે યોગ્ય વ્યવસ્થા કરે. ઘાયલોના નામ સુલતાન સિંહ, અંકિત કુમાર, હેમલતા અને વિક્રમ સિંહ છે. બીજી તરફ માધુરી ઉપરાંત અભિષેક, કૃષ્ણપાલ, વિષ્ણુ, પવન, બ્રિજેશ, સાંતા તેમજ રામવતી દેવી પણ ગંભીર રીતે ઘાયલ છે. શુક્રવારની મોડી રાત્રે બનેલા આ અકસ્માતમાં મૃતકોના સ્વજનો હજુ પણ શોકમગ્ન છે. પોલીસ ટૂંક સમયમાં ડમ્પર ચાલકને પકડી લેવાનો દાવો કરી રહી છે, આ માટે પોલીસની ટીમ હાલમાં દરોડામાં વ્યસ્ત છે.