ઉત્તર પ્રદેશના કાસગંજ જિલ્લામાં એક ધાર્મિક કાર્યક્રમ યોજાયો હતો. આ કાર્યક્રમ દરમિયાન કેટલીક મહિલાઓ ધાર્મિક કાર્યક્રમ દરમિયાન માટીની જરૂર પડતી હોય છે સત્સંગમાં હાજર મહિલાઓ મોટી સંખ્યામાં માટી લેવા ગઇ હતી જ્યાં માટી ખોદતી વખતે આખી ભેખડ મહિલાઓ પર ઘસી પડી હતી અને 4 મહિલાઓના મોત થયા છે. ઘટનાની જાણ થતા જ આયોજકો અને સ્થાનિકો પહોંચી ગયા હતા અને બચાવ કામગીરી હાથ ધરી હતી. 


કાસગંજમાં સત્સંગનો કાર્યક્રમ ચાલી રહ્યો હતો 

ઉત્તર પ્રદેશના કાસગંજ જિલ્લામાં ધાર્મિક કાર્યક્રમ માટે માટી લાવવા ગયેલી મહિલાઓ સાથે મોટો અકસ્માત થયો હતો. માટી ખોદતી વખતે ભેખડ ઘસી પડતા દુર્ઘટના સર્જાઇ હતી, જેના કારણે ઘણી મહિલાઓ તેનો ભોગ બની હતી. જેમાંથી ચાર મહિલાઓના મોત થયા હતા, જ્યારે ઘણી ઘાયલ થઈ હતી. સીએમ યોગીએ આ સમગ્ર મામલાની નોંધ લીધી અને અધિકારીઓને તાત્કાલિક ઘટનાસ્થળે પહોંચવાના નિર્દેશ આપ્યા.

Also Read

એક ડઝન જેટલી મહિલાઓ ટેકરા પરથી માટી લાવવા આવી હતી

કાસગંજમાં સત્સંગનો કાર્યક્રમ ચાલી રહ્યો હતો જેના માટે એક ડઝન જેટલી મહિલાઓ ટેકરા પરથી માટી લાવવા આવી હતી. જ્યારે તેઓએ માટીના ટેકરામાંથી ખોદવાનું શરૂ કર્યું, ત્યારે અચાનક ટેકરો અંદર આવી ગયો, જેમાં 4 મહિલાઓના મોત થયા. ઘટનાની જાણ થતાં જ આસપાસના લોકો તાત્કાલિક ઘટનાસ્થળે પહોંચી ગયા હતા અને બચાવ કામગીરી શરૂ કરી હતી. પોલીસ અને રેસ્ક્યુ ટીમ પહોંચી ત્યાં સુધીમાં ગ્રામજનોએ કાટમાળ નીચે ફસાયેલી તમામ મહિલાઓને બહાર કાઢી હતી.

બચાવ બાદ ઘાયલ મહિલાઓને તાત્કાલિક નજીકની હોસ્પિટલમાં લઈ જવામાં આવી હતી

બચાવ બાદ ઘાયલ મહિલાઓને તાત્કાલિક નજીકની હોસ્પિટલમાં લઈ જવામાં આવી હતી, જ્યાં ડોક્ટરોએ ચાર મહિલાઓને મૃત જાહેર કરી હતી. આ અકસ્માતમાં અન્ય પાંચ મહિલાઓ ગંભીર રીતે ઘાયલ થઈ હતી, જેમાંથી બેની હાલત ગંભીર હોવાથી તેમને ઉચ્ચ કેન્દ્રમાં રિફર કરવામાં આવી છે.

  • Follow us on: