ઉત્તરાખંડ BJPએ સ્ટાર પ્રચારકોની યાદી જાહેર કરી,PM મોદી સહિત આ દિગ્ગજોનો સમાવેશ

• લોકસભાની ચૂંટણીને લઇને બીજેપી તૈયાર
  
• સ્ટાર પ્રચારકોની યાદી કરી જાહેર
• પીએમ મોદી સહિત દિગ્ગજોના નામનો સમાવેશ

ભારતીય જનતા પાર્ટીએ ઉત્તરાખંડની તમામ પાંચ લોકસભા સીટો પર જીત મેળવવા કમર કસી છે. ભાજપે પ્રચાર તેજ કરવા માટે રણનીતિ બનાવી લીધી છે. ઉત્તરાખંડમાં લોકસભા ચૂંટણીના પ્રચાર માટે ભાજપે પોતાના 40 સ્ટાર પ્રચારકોની યાદી જાહેર કરી છે. જેમાં પીએમ મોદીનું પણ નામ સામેલ છે. આ ઉપરાંત આ યાદીમાં સામેલ ચાલીસ નામોમાં સ્થાનિક નેતાઓના નામ પણ સામેલ છે.

ઉત્તરાખંડમાં બીજેપીના સ્ટારપ્રચારક

ભાજપે ઉત્તરાખંડમાં સ્ટાર પ્રચારકોની યાદી જાહેર કરી છે. આ યાદીમાં બીજેપીના રાષ્ટ્રીય અધ્યક્ષ જેપી નડ્ડા, પીએમ નરેન્દ્ર મોદી, ગૃહ મંત્રી અમિત શાહ, ઉત્તર પ્રદેશના સીએમ યોગી આદિત્યનાથ, રાજનાથ સિંહ, નીતિન ગડકરી, મુખ્યમંત્રી પુષ્કર સિંહ ધામી, મધ્યપ્રદેશના પૂર્વ સીએમ શિવરાજ સિંહ ચૌહાણ, કેન્દ્રીય મંત્રી સ્મૃતિ ઈરાની અને અન્ય નેતાઓનો સમાવેશ થાય છે. ભાજપના સાંસદ હેમા માલિની, કેન્દ્રીય માહિતી અને પ્રસારણ મંત્રી અનુરાગ ઠાકુર, પત્રકાર વીકે સિંહ સામેલ છે. આ લિસ્ટમાં આ સિવાય અન્ય ઘણા નામો પણ સામેલ છે. ધામી કેબિનેટના તમામ મંત્રીઓ અને સંગઠનના ઘણા વરિષ્ઠ અધિકારીઓ પણ સામેલ છે.

બીજેપીએ ચૂંટણી પંચને સોંપી યાદી

ભાજપે આ સ્ટાર પ્રચારકોની યાદી પણ ચૂંટણી પંચને સોંપી દીધી છે.ટૂંક સમયમાં જ રાજ્યના કુમાઉ અને ગડવાલમાં પીએમ નરેન્દ્ર મોદીની રેલીઓનું આયોજન કરવામાં આવશે. જેમાંથી રેલી ગડવાલમાં યોજાશે જ્યારે એક રેલી કુમાઉમાં યોજાશે.ગડવાલમાં 3 લોકસભા સીટો છે જ્યારે કુમાઉમાં બે લોકસભા સીટો છે.આ સંદર્ભે પીએમ મોદીની રેલી યોજાશે. હાલ ભાજપ સંગઠન તમામ સ્ટાર પ્રચારકોની રેલીઓ માટે રણનીતિ બનાવી રહ્યું છે. હવેથી ઉત્તરાખંડના હોટ સીટ પોડીમાં મહત્તમ સ્ટાર પ્રચારકોની રેલીઓ યોજાવાની છે.