- દવા ખરીદતા પહેલા તેના પર છપાયેલ QR કોડ અવશ્ય તપાસો
- 100 રૂપિયાથી વધુની તમામ દવાઓમાં QR કોડ હોવો જરૂરી
- QR કોડ તમને દવા અંગેની સંપૂર્ણ માહિતી આપશે
જ્યારે પણ આપણે બીમાર પડીએ છીએ ત્યારે દવા લેવી પડે છે, પરંતુ શું તમે જાણો છો કે જે દવા તમે સાજા થવા માટે લઈ રહ્યા છો તે નકલી હોય તો શું થશે? આવું કોઈની પણ સાથે થઈ શકે છે. આજકાલ વિવિધ પ્રકારની બીમારીઓ ફેલાઈ રહી છે. સામાન્ય શરદીના કિસ્સામાં લોકો મેડિકલ સ્ટોરમાંથી દવાઓ ખરીદે છે, પરંતુ લોકો માટે આ ખૂબ મોંઘી પડી શકે છે. જાણો કે જો તમારી દવાના પેકિંગ પર કોઈ નિશાન નથી, તો તે નકલી હોઈ શકે છે. ચાલો જાણીએ કે નકલી દવાઓ કેવી રીતે ઓળખવી.
QR કોડ અવશ્ય તપાસો
તમારે ઓનલાઈન અથવા મેડિકલ સ્ટોરમાં પરથી દવા ખરીદતી વખતે કેટલીક બાબતોનું ધ્યાન રાખવું જોઈએ. ઉદાહરણ તરીકે જ્યારે પણ તમે દવા ખરીદવા જાઓ છો ત્યારે તમારે તેના પર છપાયેલ QR કોડ અવશ્ય તપાસો. જો દવા પર QR કોડ નથી તો તે નકલી હોઈ શકે છે.
QR કોડ સ્કેન પરથી મળશે તમામ માહિતી
QR કોડ એક ખાસ પ્રકારનો યુનિક કોડ છે, જે એક સ્કેનમાં દવા સંબંધિત તમામ માહિતી આપે છે. તમે આ QR કોડ તમારા ઉપકરણ અથવા મોબાઇલ ફોનથી સ્કેન કરો. સ્કેન કર્યા પછી તમને તમારા ઉપકરણમાં દવા સંબંધિત તમામ માહિતી મળશે. નિયમ તો એવું કહે છે કે, 100 રૂપિયાથી વધુની તમામ દવાઓમાં QR કોડ હોવો જરૂરી છે અને જો તે ન હોય તો તે દવા ન ખરીદવાની સલાહ છે.
નકલી QR કોડ બનાવવો ખૂબ મુશ્કેલ
આ QR કોડ એક એડવાન્સ વર્ઝન વાળો હોય છે. જેમાં સેન્ટ્રલ ડેટાબેઝ એજન્સી તરફથી માહિતી દાખલ કરવામાં આવે છે. દરેક દવાના પત્તા કે પેકિંગ પર અલગ-અલગ QR કોડ હોય છે. તેથી આ કોડની નકલ કરવી ખૂબ મુશ્કેલ છે. આવી સ્થિતિમાં જ્યારે પણ તમે દવા ખરીદો ત્યારે આ QR કોડને અવશ્ય તપાસો, કારણ કે નકલી દવા તમારા માટે ઘાતક બની શકે છે.
