Knowledge: શું તમે એનિમલ રેન વિશે સાંભળ્યું છે?

આકાશમાંથી વરસાદ થવો એ કુદરતી બાબત છે. પરંતુ જો વરસાદમાં તમારી ઉપર અચાનકથી દેડકા અને માછલીઓ પડવા લાગે તો? આવું થઈ શકે છે કારણ કે અમેરિકાના ટેક્સાસમાં વરસાદ દરમિયાન આકાશમાંથી માછલીઓ પડવાનો મામલો સામે આવ્યો છે. જો કે આવું પહેલી વાર થયું નથી ઘણીવાર થયું છે.જાણો કે શું હોય છે એનિમલ રેન? ક્યા દેશોમાં થઈ છે આ રેન.

શું હોય છે એનિમલ રેન?

એનિમલ રેન આ એક અલગ ઘટના છે, જેમાં આકાશમાંથી દેડકા, માછલી જેવા નાના નાના જીવ વરસાદમાંથી નીચે પડે છે જો કે આ રેર કેસમાં જ જોવા મળે છે. કહેવાય છે કે એનિમલ રેન વાવઝોડું , તુફાન અને વોટર સ્પાઉટમાં થાય છે. જે પાણીથી નાના નાના જીવને ખેંચી લે છે. એનિમલ રેનની ઘટના સામાન્ય રીતે, સમુદ્ર, દરિયાઈ વિસ્તારમાં જોવા મળે છે. જો સરળ શબ્દોમાં કહીએ તો આવી રીતેનો વરસાદ દરિયાઈ વિસ્તારમાં જ જોવા મળે છે. કારણ કે વાવાઝોડા કે વધારે પવનમાં આ નાના જીવને હવામાં ખેંચી લે છે. 

ક્યાં ક્યાં જોવા મળે છે

આમ તો આવી ઘટનાઓ ઘણી જગ્યાએ થતી રહે છે પરંતુ હોંડૂરાસ એક એવી જગ્યા છે જ્યા દર વર્ષે એનિમલ રેન થાય છે. તમે પણ વરસાદની સીઝનમાં હોંડૂરાસ જઈને આ નજારો જોઈ શકો છો. તેમજ તે સિવાય ઓસ્ટ્રલિયામાં પણ ઘણી વાર આવું થઈ ગયું છે. તેમજ જાપાન, અમેરિકા અને શ્રીલંકામાં આવી ઘટનાઓ થતી જોવા મળી છે.