knowledge: સિલિંગ ફેનનો હવે ઉપયોગ બંધ, અપનાવો આ ટ્રિક, ઉનાળામાં ચાલશે ચકાચક

ધીરે ધીરે હવે શિયાળાની શરૂઆત થઇ રહી છે. દિવસે ગરમી અને રાત્રે તથા પરોઢિયે ઠંડીનો અનુભવ થાય છે. એટલે હવે એસી અને પંખા બંધ થઇ જશે. એટલે આખો શિયાળો પંખા બંધ રહેશે. એવામાં ઘણીવાર પંખો વધારે સમય રહેવાથી જામ થઇ જતો હોય છે. હવે સીધો જ ઉનાળામાં જ પંખો ચાલુ કરવાના. ત્યારે એવુ તો શું કરીએ કે આટલો લાંબો સમય પંખો રાખીએ અને છેક ઉનાળામાં પંખો કરીએ ત્યારે તે પંખો ઠંડી હવા આપે .

પંખો સાફ કરો

ઉનાળામાં સતત પંખો ચાલુને ચાલુ હોવાને કારણે પંખા પર ધૂળ જમા થાય છે. પંખો બંધ કરતા પહેલા તેના બ્લેડ, મોટર અને અન્ય ભાગોને સારી રીતે સાફ કરો. સૂકા કપડા અથવા બ્રશનો ઉપયોગ કરીને ધૂળ અને ગંદકી દૂર કરો.

બ્લેડનો એંગલ તપાસો

હવા યોગ્ય રીતે નીચે આવે તે માટે પંખાના બ્લેડનો એંગલ સાચવવો જરૂરી છે. જો બ્લેડનો એંગલ વ્યવસ્થિત હશે તો પંખો સારી હવા ફેંકશે.

સ્ક્રૂ ટાઇટ કરો

જ્યારે પંખો ચાલી રહ્યો હોય, ત્યારે તેના સ્ક્રૂ ઢીલા થઈ શકે છે, જેના કારણે કંપન અને પંખામાંથી અવાજ આવે છે. ત્યારે તમે પંખાના બધા સ્ક્રૂને તપાસો અને ફીટ કરો જેથી પંખો સરળતાથી અને શાંતિથી ચાલે.

મોટરને લુબ્રિકેટ કરો

કેટલાક પંખામાં મોટરમાં તેલ નાખવા માટે નાના છિદ્રો હોય છે. જો તમારા પંખામાં આ સુવિધા છે, તો થોડી માત્રામાં લુબ્રિકન્ટ અથવા તેલ ઉમેરો, જેથી મોટર સરળતાથી ચાલશે અને ઉનાળામાં પંખો વ્યવસ્થિત કામ આપશે.

પંખાનું પરિભ્રમણ તપાસો

ઘણા પંખામાં રિવર્સ મોડ હોય છે, જેથી શિયાળામાં પંખાને ઉલટી દિશામાં ચલાવી શકાય. તે હવાને ઉપર તરફ દબાણ કરે છે અને સમગ્ર ઓરડામાં ગરમ ​​હવાનો પ્રસાર કરી શકે છે. ઉનાળામાં ફરીથી તેને યોગ્ય દિશામાં સેટ કરવાનું ભૂલશો નહીં.

તમારું સ્ટોરેજ સ્થાન કાળજીપૂર્વક પસંદ કરો

જો તમે પંખાને કાઢીને ક્યાંક સંગ્રહ કરવા જઈ રહ્યા છો, તો તેને સૂકી અને સ્વચ્છ જગ્યાએ રાખો, જેથી પંખાના ભાગોને ભેજને કારણે કાટ ન લાગે.