Knowledge: ગિનિસ બુક ઓફ વર્લ્ડ રેકોર્ડ્સના કોણ છે માલિક અને કેવી રીતે થાય છે કમાણી?

વર્ષ 1950ના દાયકામાં શરૂ થઈ હતી. જ્યારે ગિનિસ બ્રુઅરીના મેનેજિંગ ડિરેક્ટર સર હ્યુ બીવર દ્વારા કોઈ બાબત પર ચર્ચા શરૂ થઈ હતી. કોઈ સંદર્ભ પુસ્તકમાં જવાબ મળ્યો ન હતો અને અહીંથી એક વિચાર આવ્યો કે એક એવું પુસ્તક હોવું જોઈએ જે દરેક પ્રશ્નનો જવાબ આપી શકે.

કયારે થઇ શરૂઆત ?

શરૂઆતમાં આ પ્રોજેક્ટ ગિનીસ બ્રુઅરીનો ભાગ હતો. વર્ષ 2001માં તેની માલિકી બદલાઈ ગઈ હતી. આજે ગિનીસ વર્લ્ડ રેકોર્ડ્સ કેનેડિયન કંપની જીમ પેટિસન ગ્રુપની માલિકીનું છે. તેનું મુખ્ય મથક લંડનમાં છે અને તેની ઓફિસો ન્યૂ યોર્ક, બેઇજિંગ, ટોક્યો અને દુબઈ જેવા શહેરોમાં છે. ગિનીસ વર્લ્ડ રેકોર્ડ્સ હવે ફક્ત પુસ્તક વેચાણ સુધી મર્યાદિત નથી. દર વર્ષે તેને વિશ્વભરમાંથી 48 હજારથી વધુ અરજીઓ મળે છે. જેમાંથી માત્ર થોડા હજારને જ માન્યતા મળે છે. રેકોર્ડ નોંધાવવા માટે, ઘણી વખત કંપનીઓ અને સંસ્થાઓ ફી ચૂકવીને ગિનીસ વર્લ્ડ રેકોર્ડ્સને બોલાવે છે. જેથી તેમના પ્રયાસને સત્તાવાર રીતે રેકોર્ડ કરી શકાય છે.

આવકનો સ્ત્રોત કયો ?

પ્રોજેક્ટ ફી ગિનીસ માટે આવકનો મુખ્ય સ્ત્રોત છે. આ ઉપરાંત, કંપની પુસ્તક વેચાણ, ટીવી શો, બ્રાન્ડ સહયોગ, લાઇવ ઇવેન્ટ્સ અને સોશિયલ મીડિયા જોડાણમાંથી પણ ઘણી કમાણી કરે છે. ઘણી વખત મોટા કોર્પોરેટ અને સરકારો પણ પોતાની છબી સુધારવા માટે ગિનિસ રેકોર્ડ્સમાં પોતાનું નામ નોંધાવવા માટે કરોડો રૂપિયા ખર્ચ કરે છે.

વિવાદો પણ રહ્યા છે સાથે

ગિનીસ વર્લ્ડ રેકોર્ડ્સ પર પૈસા લઈને વેનિટી રેકોર્ડ બનાવવાનો આરોપ મૂકવામાં આવ્યો છે. 2015 માં, તુર્કમેનિસ્તાન જેવા દેશો અને તાજેતરના વર્ષોમાં, યુએઈ અને ઇજિપ્ત જેવા દેશો પર ગિનિસ રેકોર્ડ્સનો ઉપયોગ કરીને પોતાની છબી સુધારવાનો આરોપ મૂકવામાં આવ્યો છે. આ ઉપરાંત, ઘણા જૂના રેકોર્ડ જે ખતરનાક હતા અને પ્રાણીઓને નુકસાન પહોંચાડતા હતા તે હવે રદ કરવામાં આવ્યા છે.